忠記粥品 (機利文新街)

Open Now

Now Closed

連鎖粥麵店既粥，食落嗒嗒粉，粥底往往只係白粥再加d料，填飽肚是可以，但毫無享受可言。仲要唔係平架，一碗粥起碼要$30～$40，食到個人頹晒。我係中環番工，外出午膳閒閒地$60～$70。但「忠記」卻是中環裡的一道清泉，十幾蚊食到粥啦，三十幾蚊直頭食生滾粥，十多元的靚滑腸粉、足料炸両，仲平過我係柴灣食。生滾豬潤粥，粥係啡啡地色，好靚。豬潤好脆口，煮既時間拿捏得好好，完全唔老，又要多料；腸粉又薄又滑，直頭係粥既絕配，好食到飛天！