雞哥媽韓國料理

Open Now

Now Closed

佐敦站📍雞哥媽韓國料理-好耐冇食韓國野，打完風出去食返餐好😎（屈左係屋企兩日啊陰公🥹）韓國特色蛋捲：芝士二重奏（$88）食返個heavy ge蛋捲，面頭一層芝士，入面夾心再一層芝士🧀厚厚既蛋捲好滿足😻仲有茄汁、紫菜絲、芝麻係面。芝士炸雞石鍋拌飯（$60）芝士炸雞總共有3大舊，好香口，炸得恰到好處，酥香軟腍。不過略嫌面頭唔夠芝士唔夠多🧀我食晒d炸雞先食拌飯，有木耳絲、紅蘿蔔絲、冬菇仔、菠菜等既配料，夠晒健康。建議同時食，一啖炸雞一啖飯咁就balance d🤪流心芝士條（$28）呢個芝士條out of my expectation😻拉絲做得唔錯，中間有番薯蓉，食落冇咁膩。野飲叫左杯蜂蜜生薑茶（$9）同埋藍天乳酸（$19）。而家堂食有九折，埋單都唔使$200🙌🏻外賣仲有八折添😛環境方面，小店唔算好大，不過都坐得舒服。店內有招牌嘅塗鴉，別有一番風味。