梨滿園韓國料理 (Closed)

好耐冇食韓燒啦，又係樂富附近，就黎左梨滿園啦！首先係比佢個價錢吸引，二百蚊任食，仲可以食到咁多種類既韓國食物。種類好多，一般常見既鍋飯，湯同水冷麵都有。滿足到我呢啲三心兩意既人。一開始會上左前菜（泡菜、芽菜同菠菜）同生菜先。雞肉好好味，好滑又入味。金菇肥牛卷擺係爐邊到燒就岩岩好，好香口。叫左個海帶湯同辣豆腐湯。辣度同味道都岩岩好，唔會太咸/太辣。牛魔王緊係要嗌成枱都係牛，好正呀！油脂好香好濃，牛又好嫩滑，正！炸魷魚鬚都幾好食，新鮮炸起！好脆！三文魚質素正常，唔錯。野飲雪糕都係任食，好滿足！