湯品小棧 (Closed)

出嚟做嘢之後成日都食無定時，連飲湯嘅機會都愈來愈少，難得經過大角咀發現呢間以湯品嘅小店當然入去試啦。 入到去老闆好熱情招呼，當我問有咩湯水介紹他亦好詳細咁介紹，呢個亦係小店嘅人情味所在。花雕醉雞蛋：賣相討好，食落去有陣陣花雕酒香但又唔會蓋過糖心蛋嘅蛋味。牛肝菌牛筋腩：牛筋腩炆得好有火喉，遠處已嗅到牛筋腩香味，而咬落去肉嫩香淋，而牛筋食落去全是軟滑膠質。飄香鹵豆乾：豆乾鹵得好入味，食落去有濃濃嘅黃豆味道，很惹味。 牛肝菌燉湯：湯水飲落去味道清甜而且飲得出無落味精，而且牛肝菌湯料十足絕不會有油膩嘅感覺，飲完除咗暖胃亦非常滋潤。 而當中亦叫了台灣鹽水意麵，當中佢會將煮好嘅麵餅上枱，再我將麵條加落湯水一齊食用，可以將湯水嘅精華一滴不留，食完今餐之後真係非常養生。