湯品小棧 (Closed)

近日有點燥底，想飲下湯，便諗起之前飲過好味的湯品小棧，小店可是拿過米芝蓮的呀～小店只有幾個座位，真係手快有手慢無，眼見不少街坊買外賣呢，大概是不想等位吧。枱上用具很乾淨。瑪卡($37)&舞茸牛蒡($41)湯品很快就到了，好香啊。好多料，舞茸牛蒡可是素湯來的，但味道一點都不寡，十分清甜，啖啖菌香，好好飲啊朋友的瑪卡也不輸蝕，湯濃但不膩，很甘甜菌香鹵雞蛋($10)鹵得入味，啲汁正到想撈飯玫瑰露雞翼($12)炆到好淋好香呀，正。炆牛腩($30)是日金牌菜係牛腩，點了一人份試試，好甜好淋喎，可以辣一點就更惹味了。秘制菌醬炆牛尾($25)仲有牛尾，好正的香草香味啊。黑松露蒸蛋($27)蒸水蛋勁滑，仲有濃濃嘅黑松露香。健康紅糙米飯($5)咁多正嘅汁，梗係要飯撈汁啦，樣樣都咁好味，撈邊種先好呢？記得留返啲飯黎食湯飯添呀新竹米粉($7)朋友揀米粉，佢話放湯最正喎。兩個人點左五樣餸都唔係好誇張啫，不過都唔係好夠飽，我地咁大食應該主食要雙份，哈哈

湯味道普通 加埋麵食有啲淡牛尾$25得兩舊蛋就只係有酒味 蛋黃太熟 嚴格黎講唔係溏心蛋 咁就加左$10淮山麵唔會太淋 還可以但夜晚食真係有啲貴 大角咀絕對有其他更好嘅選擇 慎入

食到一肚氣，比女侍應命令掛好餐牌同筆，服務態度好差。唔飲湯要加錢，但餐牌沒有提及，錢其實唔重要，最緊要假期專登走來食仲要受氣！仲慘過返工⋯⋯今次係我第一次comment, 估唔到係唔開心既食評⋯

黎親奧海城, 都唔鍾意喺商場入面搵野食, 寧願過對面走入大角咀, 一過馬路就見到呢間湯品小棧, 佢特別推介寫住靈芝雞湯, 好想飲下坐低已經係下午茶時間, 點左一個四寶涼set&一個茄茸豬軟骨豬軟骨鹵得好淋好入味豆干都入晒d 精華好好味, 溏心蛋加鹵水呢個組合夠晒特別四寶涼個set, 醉雞翼燒酒味濃醉雞食得多, 醉雞蛋真係第一次食甜酸齋好開胃醒神呢個就係今日既特別推介喇, 靈芝雞湯, 完全冇味精, 甘甜味要自己放d 鹽先好飲肉骨茶, 入面夠肉夠淋夠入味紅糙米飯增添幾分健康新竹米粉好幼好爽口唔夠食嗌多份玫瑰露雞翼叫埋兩杯餐飲就perfect

大角咀有間唔錯湯品，店內麻省雖小但五臟俱全。由兩個人打理，叫完湯再叫餸，好快就有得食。原來佢係米芝蓮，咁就更加一定要試下。玩法係先決定要飲邊款湯，之後就可以加一個自選餸和一個主食。通堂湯品都是$40多，之後加多$20餘就有主食，都選化算。湯品好大碗，飲完有d飽。湯水足，湯的材料都好多，清甜湯水滋潤心肝。加左杯蘋果山渣蜜棗茶，酸酸甜甜，好開胃。四寶涼，花雕醉雞翼和醉雞蛋，甜酸齏和木耳。餸都幾入味。米線加自家製黑松露醬，好健康。

都市人上班繁忙，好多時都外出用膳，多鹽多油多味精， 十分不健康，耐不耐都要媽媽的靚湯補番下，但又不是經常有時間回家飲湯，難得見到有小店主打冇味精燉湯，價錢也不貴，所以就來補一補小店店面不大！有時候要等位，有兩位店員，一位負責廚房，一位負責樓面，忙的團團轉先揀湯水，有濃燉及清燉湯之分別，也有照顧素食者的素湯，燉湯每一種的功效也不同，本人愛濃味所以決定要揀一種濃燉湯，當中最特別也最少聽聞的是「瑪卡」， 店家介紹說瑪卡又名秘魯人蔘，有增加體力及抗疲勞之功效，最適合香港人飲，咁我就揀佢啦！瑪卡湯$37圖中是瑪卡片，湯中有木耳及紅蘿蔔絲，味道清香，瑪卡的味道不是很濃很搶味的那種，店家主打沒有味精，飲完果然不口渴。麵食我加錢揀了淮山麵$9 另加黃牛肝菌肉醬$19淮山麵很有驚喜，爽口彈牙。肉醬有點像台灣的肉燥，但當中加了爽口的牛肝菌，口感的層次提升了，而且很惹味，用來做撈麵是最適合不過！配菜：秘製菌醬炆牛尾$25我好中意食牛尾，中意佢脂肪與肉滲透口腔的感覺！又係自己唔會整既餸菜，所以最啱出街食。牛尾燘得香軟而且濃郁入味，肉都又不算太肥膩，的汁用黎撈麵也不錯。其實店家的飲品也很吸引，但飲畢整壺完湯也很

大角咀有一間出名飲湯的小店。呢間小店曾經係米芝蓮，所以經過都要試下。呢到食法主要係叫個湯先，之後再加想食的主食同飲品。我一來就叫了個蟲草湯，滋潤活氣，材料好足。清淡湯頭完全無味精。炆牛尾好淋身，口感鬆軟。雞翼入味。蘉蔔都好淋好入味。成個set都係$90，抵食又健康。睇相就知牛尾有幾入味，真係好深色。雞翼有鼓油香，入口鬆化，送飯送麵食一流。淮山麵爽口，一d都唔油膩，好健康。加上肉碎，既健康有益腸道，又有足夠蛋白質。米芝蓮食店

人大左亦都有自己的家庭,生活繁瑣,平日主要外出用膳,已很少回娘家晚飯,湯水更少之又少。呢間小店卻令人懷念家的感覺,媽媽的味道小店確實非常小,放不下十張椅桌。檏實無華下食出家的感覺。先黎呢個蟲草花燉湯,無味精,多喝有益 。而且有不同湯款任供選擇。如果你選擇米線,更加可以視作湯底。今次我就揀左紅米飯,非常健康。加上配左豆干,溫泉蛋加豬軟骨。老實講,配料真係唔無係好多,細細份,但係味道唔錯。尤其係豬軟骨非常軟熟,醃得好好味如果份量加大少少就完美。

近日應酬特別多，已經有一段日子，沒有回家吃飯，更莫說能喝到媽媽的愛心靚湯。這天心血來潮，決定到家附近的湯品小棧喝燉湯。 湯品小棧， 顧名思義就是以燉湯為賣點，曾獲得米芝蓮推介，而餐廳以無味精及養生菇菌類燉湯作招徠。 餐廳的佔地很少，屬於小店，不過，以現在地價來說，舖面細亦無可厚非。 午市食燉湯套餐會比較化算， 當中包括一款燉湯及組合配菜，米線及紅米飯是免費，飲品及其他則另收費，而燉湯有六款，價錢由HK$36起。 蟲草花濃燉骨湯湯底以豬骨及雞骨熬成長時間淆製，所以味道特別香濃，帶有豐富膠質感，而湯內更放了紅蘿蔔絲、木耳絲及粟米粒等配料來增加咬口，喝後感覺清潤滋補，非常順喉。 茶樹菇濃燉骨湯具有益氣開胃降膽固醇之效用，這個濃湯同樣是以豬骨及雞骨淆製，不過，味道非常獨特，菌香味較蟲草花的濃郁很多，湯的色調亦較深，若兩者比較，個人認為茶樹菇較優勝。另外，燉湯是以特別訂製的耳瓦杯送上，雖然能保溫，但杯身非常熨手，喝時要份外小心。 菌醬炆牛尾組合組合共有三款食物，分別是黃牛肝醬炆牛尾、玫瑰露雞翼及清湯蘿蔔。牛尾煮得非常軟淋，肉質嫩滑，而且非常入味，不會偏鹹，不過，就是吃不出黃牛肝醬味道

湯品小棧細小, 坐位不多, 在大角咀,每天都在外面吃午飯，少不免會有味精，雖然是好味道，但吃得多對身體不好。湯品小棧的湯不加味精，跟媽媽煲的湯一樣很有火喉，對身體好。有很多湯選擇我選了肉骨茶，味道沒有藥材味，清清淡淡的，配上淮山麵一起吃更加好味道。黑醋餃子的醋很濃，酸酸的，很開胃松茸湯也不加味精，牛尾很淋, 有膠質，蘿蔔不夠入味，新竹米粉煮得剛剛好, 不會太生/淋套餐包括菜心,木耳, 吃多點菜身體好

同其他俾差評嘅網友一樣，依間鋪真心名過於實，一入門口個姐姐仔就俾臉色你睇，坐低睇左個menu 同點菜紙完全唔知佢想表達啲咩，問個姐姐仔係咪每項揀一樣，佢就粗聲粗氣咁話你鍾意食咩咪圈咩囉，望住間鋪掛住個靜字，真係唔知好嬲定好笑... 最後點左一個湯，餃子同米線，埋單$60，完全唔值！個米線無味，最過份係個餃子，淋到一pat 野咁，好難食。最正常係個湯，係無味精，但偏咸。真心無下次！或者口味比較個人，但服務態度希望可以好好注意一下，其實以往負評都已經講過依個問題，該店似乎都未有改善。

今日黎奧海城呢邊, 大商場無咩野食揀, 諗到去大角咀搵食, 之前收藏左湯品小棧好耐, 係米芝蓮推介街頭小食, 因為鍾意飲湯又鍾意幫襯小店就試下。入到黎店員幾熱情介紹有咩食, 午巿餐每人約$60有湯有粉有餸有飲品, 又唔貴。叫左蟲草花湯同瑪卡湯, 瑪卡湯係秘魯人參, 而家好似好興, 湯味有D甘, 蟲草花就菇菌香味, 不過兩者味道都頗清淡, 應該無落鹽, 單飲問題都不大, 但如果要撈米粉/麵食, 就真係太淡了, 自己煲既湯都濃過佢。餸叫左黃牛肝醬燜牛尾, 雞翼, 蘿蔔, 另一份係茄湯豬軟骨, 鹵蛋, 鹵豆干, 份量比想像少, 但係好處係夠味, 同無味既粉食可以平衡到。牛尾好淋, 蘿蔔有少少薑味, 雞翼好滑。豬軟骨有部分有少少鞋口。我地黎果時未準備好杏仁山藥飲, 無得試, 叫左羅漢果雪梨茶, 羅漢果味蓋過雪梨茶味, 蘋果山楂蜜棗茶都係, 只飲到山楂味。

-------------✏️2018米芝蓮推介少見的健康午餐☺️今日終於試左松茸清燉湯$43紅棗黑蒜香菇燘雞腿 秘製鹵排骨 蘿蔔 $22淮山麵$4好食指數:7.4/10🤔好少出街食飯食無味精既野 平時食碗麵都成口味精 呢間標榜無添加 無味精 令人放心首先個湯 係夠清 用肉都用瘦雞肉燉 無過多油份 而且都食到五六片松茸 雖然煲到無味 但口感唔錯 除外 亦都有紅蘿蔔 粟米 木耳等都頗豐富其次 肉食亦都驚喜 最鐘意個紅棗黑蒜香菇燘雞腿 燘得入味又嫩滑 有淡菇味 而且有紅棗燘過 咸中帶甜 排骨正常 但有碎骨最後我加左個淮山麵夾落個湯當沾麵食 由於個湯比較清 同少油 所以食落都富健康感覺整體 如果你都想食一餐無味精 而質素亦都不錯既飯既話 可以一試至少你自己煮既話 買晒所以材料煲 價錢都差唔多 😁咁我寧願懶 出街食----------------湯品小棧 (大角咀)大角咀櫸樹街20號湯品 (上環)上環禧利街16號地舖

本身滿心歡喜諗住食晏飲個靚湯。門口行過好似好正咁，又電視介紹，諗住冇死啦。冇位，唔緊要，買外賣一樣啫，落單果陣都冇乜嘢。一叫完就係惡夢嘅開始多人嘛，我都明，但明明個呀姐得閒，又唔處理下啲單。直到我見到啲人堂食都食完走人覺得奇怪，門口落單個阿叔先提落單呀姐話「有新單」，到我開聲問，先至知佢原來未落單，搞到我白白企咗喺門口廿分鐘，要即刻搵第二間，仲要拿拿聲食完趕返工，門口個呀姐喺我臨走果陣仲要睥住我，好似我喺度嘥咗廿分鐘係我錯咁！

住大角咀，三五不時都會幫襯街坊小店。試過湯品若干次，一次失望過一次。幾款湯的味道基本沒有太大區別，用料亦都差不太多。喝起來十分味淡。店裡面個阿姐ge服務態度真係好差好冇禮貌。次次都好似欠距錢。唔會再去。