Video
Read full review
2024-08-21
2420 views
我地好耐都冇食放題，難得今日得閒就去左旺角食，而旺角都有好多間放題餐廳，呢間御滿屋之前食過幾抵食，晚市都有幾個時段，我地就揀左特價既20:30入坐😆A經典三重新鮮刺身江洋盛宴夜割20:30後入座（$258）呢度既放題餐有ABCD一共4個級別，我地揀左最基本既A餐，我地覺得最抵食，上一級既B餐特價時段係$378，主要既分別就係刺身同壽司，而平時放題諗得出既食物基本上A餐已經有齊😉門口擺左好多款冷盤同埋有炸物，比較熱門既就係青口，其餘我自己鐘意就係日式小食，螺肉，中華沙律同蟹籽，仲有d川式辣喉黃同魚皮等等，頭盤已經夠曬豐富，入少少仲有個清酒梅酒自助區，鐘意飲既人真係一個喜訊😛放題重點就梗係刺身盤啦，A餐既種類都好齊，我叫左三文魚，油甘魚，北寄貝，帶子，赤貝，希靈魚，赤蝦，冇腥味同雪櫃味，呢個質素既刺身放題黎講我覺得係合格有餘🍣熟食有曬中式日式連西式都有，分別有炒蜆，牛肉粒，日式串燒，鐵板牛扒都有埋，熟食料我自己最鐘意就係蒲燒鰻魚，其餘既串燒都唔錯，最緊要夠熱，上菜速度唔慢🍡🧆🥙呢度既特色就係有榴連放題，佢係雪凍左既馬來西亞極品冷榴連，凍食好爽，榴連夠香夠甜😋最後就梗係食甜品啦，雪糕雪條有好
A經典三重新鮮刺身江洋盛宴夜割20:30後入座（$258）
呢度既放題餐有ABCD一共4個級別，我地揀左最基本既A餐，我地覺得最抵食，上一級既B餐特價時段係$378，主要既分別就係刺身同壽司，而平時放題諗得出既食物基本上A餐已經有齊😉
門口擺左好多款冷盤同埋有炸物，比較熱門既就係青口，其餘我自己鐘意就係日式小食，螺肉，中華沙律同蟹籽，仲有d川式辣喉黃同魚皮等等，頭盤已經夠曬豐富，入少少仲有個清酒梅酒自助區，鐘意飲既人真係一個喜訊😛
放題重點就梗係刺身盤啦，A餐既種類都好齊，我叫左三文魚，油甘魚，北寄貝，帶子，赤貝，希靈魚，赤蝦，冇腥味同雪櫃味，呢個質素既刺身放題黎講我覺得係合格有餘🍣
熟食有曬中式日式連西式都有，分別有炒蜆，牛肉粒，日式串燒，鐵板牛扒都有埋，熟食料我自己最鐘意就係蒲燒鰻魚，其餘既串燒都唔錯，最緊要夠熱，上菜速度唔慢🍡🧆🥙
呢度既特色就係有榴連放題，佢係雪凍左既馬來西亞極品冷榴連，凍食好爽，榴連夠香夠甜😋
最後就梗係食甜品啦，雪糕雪條有好多款，最正就係haagen dazs同movenpick任食，我一個人食左4杯，其餘既甜品就係一開始既自助區攞，有精美蛋糕同水果，飲品都有好多款，罐裝同紙包都有，酒類都有好多款，有somersby既蘋果酒，我都整左罐🍦🍨🍻
呢間放題我覺得係好抵食，$258有咁多野食，食既野都值回票價，店員都好勤力，不斷收碟同埋冇漏單既情況，下次要再黎食過😆
Post
