Video
Read full review
2023-06-29
36 views
銅鑼灣食街旁邊，見到呢間菂式嘅小店，一於試一試！呢度有唔同嘅套餐可供選擇，身為牛魔王嘅我哋當然就揀咗「犇盛合」（$398一人）啦！湯底我哋就叫咗花膠湯，入面有勁多花膠粒，一定夠食。而湯底十分濃郁，就咁飲都覺得好正。先嚟嘅係「刺身三點」，有六款唔同選擇，我自己最鍾意油甘魚，油脂十分豐富。每種刺身都係水準之上，可以預備好個胃食多啲嘢。另外仲有「蟹肉沙律」，酸酸甜甜，非常開胃。一嚟就有幾款牛肉可以試。先食「澳洲一級肉眼」。肉眼切得薄，燙一燙就食得。牛味足就基本啦，加上佢夠薄，口感好輕盈，食入口嘅都係牛肉嘅精華。而另一款係「美國精選安格斯牛小排」。呢款係我最鍾意嘅，厚薄度剛好，牛味係超級濃郁嘅，口感亦都豐富，越咬牛味越濃重，層次好好。最後就有「美國精選牛五花」，呢味則比到大家另一種體驗，好豐富嘅油脂感，又唔會覺得油膩。比起另外兩種牛更有咬勁，十分正。最後仲有「美國無激素春雞」，嫩滑爽口，雞味突出。之後就到海鮮喇，先食「時令海魚」，應該係斑嚟，魚身堅挺，鮮味突出，有酒樓級數！而「特選帆立貝」大大粒，亦都好新鮮！記得唔好煮太耐會縮水～「野生虎蝦」超級大隻，啖啖肉，肉身彈牙，同一般打邊爐嘅質素好唔同
呢度有唔同嘅套餐可供選擇，身為牛魔王嘅我哋當然就揀咗「犇盛合」（$398一人）啦！
湯底我哋就叫咗花膠湯，入面有勁多花膠粒，一定夠食。而湯底十分濃郁，就咁飲都覺得好正。
先嚟嘅係「刺身三點」，有六款唔同選擇，我自己最鍾意油甘魚，油脂十分豐富。每種刺身都係水準之上，可以預備好個胃食多啲嘢。
另外仲有「蟹肉沙律」，酸酸甜甜，非常開胃。
一嚟就有幾款牛肉可以試。
先食「澳洲一級肉眼」。肉眼切得薄，燙一燙就食得。牛味足就基本啦，加上佢夠薄，口感好輕盈，食入口嘅都係牛肉嘅精華。
而另一款係「美國精選安格斯牛小排」。呢款係我最鍾意嘅，厚薄度剛好，牛味係超級濃郁嘅，口感亦都豐富，越咬牛味越濃重，層次好好。
最後就有「美國精選牛五花」，呢味則比到大家另一種體驗，好豐富嘅油脂感，又唔會覺得油膩。比起另外兩種牛更有咬勁，十分正。
最後仲有「美國無激素春雞」，嫩滑爽口，雞味突出。
之後就到海鮮喇，
先食「時令海魚」，應該係斑嚟，魚身堅挺，鮮味突出，有酒樓級數！
而「特選帆立貝」大大粒，亦都好新鮮！記得唔好煮太耐會縮水～
「野生虎蝦」超級大隻，啖啖肉，肉身彈牙，同一般打邊爐嘅質素好唔同。
最後就係「季節野菜盤」，有娃娃菜、秋葵、甜粟米、冰菜等等。
全部都係本地優質蔬菜，好新鮮爽甜。例如係粟米煮好，入口都十分香口。比較特別係花生苗，平時少啲食到，而咬落超級爽脆，亦有濃濃花生香，好吸引。最後落啲蔬菜，吸曬湯汁，真係好正。
最後跟個日本飯同稻庭烏冬，我食嘅係飯，上面已有滿滿嘅飯素，已經好惹味，仲可以撈埋雞湯食，就更加正。
食埋豆乳雪糕做甜品，好似飲咗一杯無添加豆乳咁。呢餐又飽又抵嘅晚餐就劃上句號喇！
Post
