高興+ (Closed)

高興，有朋友曾經介紹過此cafe，地方吾錯，食物質素好好，好岩傾計。今日決定一試。雖然我地本身不是東區居民，但如果有好野食，我地都好願意過海，食下新味道。進入餐廳，樓底好高，座位闊落，比起一般餐廳的環境更易放鬆。一打開餐牌，選擇多，價錢又吾貴。今次叫了，慢煮美國肉眼扒 ，咸蛋黃卡邦尼意大利粉同埋心太軟。慢煮頂級美國肉眼扒 $218雖然比起意粉遲來，我地非常期待。雖然係7成熟，但肉質一樣嫰滑，肉汁豐富。好好食，加上有薯條作配搭，係最鐘意既粗薯條。全部新鮮整起，又脆又好食。而且份量都幾大份，塊排成個手咁大！咸蛋黃卡邦尼意大利粉 $96咸蛋黃炸雞就見到得，配上卡邦尼又真是第一次，原來一樣好夾。卡邦尼的味道不是被咸蛋搶走，反而令人越食越想食。而且粉量比一般西餐廳多，不錯不錯。心太軟是用杯上，與平日用碟上又有另一番風味，因為上面兩球雲尼那雪糕，必定會溶係熱辣辣心太軟上面，每一口都可以有曬2種混合口味。我地各人叫了一杯飲品 我叫了芒果奶蓋 估唔到奶蓋都佔了差唔多2分之1 而且好滑溜 下面嘅芒果汁亦好鮮甜 推薦😆