立鮨 (金馬倫廣場)

Open Now

Now Closed

立鮨分店越開越多，雖然地方唔算大但日式嘅裝修同佈置都令人好似返去日本咁🇯🇵 質素好而價錢親民，有時諗唔到食咩都會go for it～以前嘅「立鮨」顧名思義，食嘅過程全程要企喺度😂 今次估唔到依家居然有得坐 壽司種類好多，就算試好多次都食唔厭(•̀ᴗ• ) 每件賣相都好精緻，而且食落仲要每樣好新鮮✨所有魚生都係厚切，而且完全唔腥；火炙吞拿魚腩同三文魚好肥美，經過火炙後啲油香滲曬出嚟，每啖都係大滿足ฅ •ﻌ•♡ 最鍾意食佢嘅大滿足海膽特盛，海膽舖曬喺面上好似一個小山丘，口感柔潤而入口即溶；仲有粒粒飽滿而晶瑩通透嘅魚子包圍住，見到已經流曬口水.ᐟ.ᐟ  雖然係迷你版但其實食落份量都唔算少 仲有令和の怪物特大原隻生蠔👹🦪！養到怪物咁大隻超級肥美飽滿，滴多幾滴青檸汁更加甘甜。