鳳鳴石磨腸粉 (觀塘廣場) (Closed)

聖誕節去開觀塘諗唔到食咩所以掃街～鳳鳴腸粉一直好出名，終於試到😛食腸粉最鍾意混醬，重口味嘅我覺得啲芫荽好正～出面好少有混合蛋嘅腸粉，味道同口感都豐富啲冇咁寡😙今次仲試咗佢嘅蒜香蒸米粉，我係蒜蓉lover，見到張相咁多蒜即刻嗌咗🤣 蒸米粉感覺健康啲，加埋蘿蔔絲，冬菇同木耳絲，口感豐富～盒米粉打開見到超多蒜蓉，勁濃算香，加埋適量豉油麻油好好味。嗌咗小辣，發現佢哋自家製嘅麻辣醬好好味，所以食食吓叫店員再幫我加多少少辣🤣🤣睇返啲相已經想再食，性價比高！推介！