聚豐燒鵝小廚

Open Now

Now Closed

今日天氣凍凍哋唔想煮飯，就去附近行吓順便食埋飯。發現了這間餐廳，佢哋麻雀雖小，但係五臟俱全。有火鍋，燒味同埋小菜食，而且重有好多人食緊👍🏻我哋選擇了坐店舖內，因為鋪外有啲凍。但好多人坐痁外，因為佢哋打邊爐，唔覺凍😂😂見到隔離枱啲小菜都好精美，所以我同屋企人決定食小菜，應該唔會差😊鹹蛋蒸肉餅 - 呢個餸看似簡單，實則好考功夫。要煮到肉餅剛好熟透，保持肉質鮮嫩，好難的。但佢哋做到，加上豉油唔太鹹，真係好好味😋乾煸四季豆 - 四季豆加上辣汁去炒，辣度適中，可以為身體驅走寒氣，越食越開胃。例牌燒鵝 - 好大碟，好抵食。燒鵝外皮香脆多汁，肉質一啲都唔韌，加上酸梅醬，太美味了，呢個價錢，真係超值👍🏻下次如果唔想煮飯，真係可以再去呢到食飯，矲金錢平，質素高，正呀！