一門 (Closed)

今晚同舊同事食飯，佢一向都係識食之人，帶左我黎一門食飯。我先到，等佢期間我睇完menu,睇埋openrice已經有心水想食咩。我地坐bar台位置，睇住師傅係度燒招牌玉子，已經好想食！雜菇燒玉子食落就一般，比較淡口，唔夠香～和牛，海膽應該會更好味。一門沙律，都幾大盤，個沙律汁酸酸地，好岩我口味👍🏻👍🏻沙律菜非常新鮮。燒tuna係朋友推薦必食。個汁又係酸酸地，好味。唯一要彈係太薄喇，好快就食晒成碟，但都唔覺有野落肚🤣燒豆腐👍🏻塊皮燒到好脆，好好味！燒牛舌，燒雞翼都係必點！正常水準，因為好難整得唔好食。呢度環境唔錯，唔會好嘈，氣氛幾好，慢慢食傾下計，又唔會催你交台。下次會再黎！