和牛燒肉一郎 (新都城中心二期) (Closed)

冇食一排燒肉就會諗起呢間任食燒肉，我地見佢既c set唔貴又多選擇，所以決定試一試，結果都一樣高質，相對仲冇咁肥！呢個set包左海鮮，特選牛，炸物同埋任飲汽水同埋茶。本身都有包一次性既和牛，肉質一定軟淋而且肉味濃郁，燒既時間都會短啲。最鍾意係有少少燶邊，食落口感一流！另外炸雞，炸蠔同埋薯餅都好出色，尤其係炸雞，唔會食落一大舊粉團，調味亦岩岩好。特選牛肉我特別推薦牛里脊肉，一大塊燒15秒左右食得，肉質拍得住和牛又冇咁肥，基本成餐都係咁追加。橫隔膜都一樣好好食，完全唔韌又重牛味！飲品方面都有好多選擇，另外仲有熱茶供應，基本上一定揀到岩口味既飲品。