南洋家

Open Now

Now Closed

「南洋家」位置中央圖書館附近，帶小朋友係圖書館📚放完電，唔想番去再搞一餐煮餸，見到「南洋家」$100可以有3款餸菜包，而且選擇十分多，咖哩、海南雞、即係滷水系列都有唔少選擇，返到屋企就咁煮飯已經可以食啦🤭🤭除咗餸菜之外，仲有唔少印尼糕點、糖水同港式小食腸粉燒賣等😆😆🐟印式燒黃立䱽原條黃立䱽都有手掌咁大🖐🏻魚肉滑嫩，䱽魚亦夠新鮮完全唔會腥，加上加入辣椒嘅秘製甜醬油，甜辣度適中，可以一試🐮印尼巴東牛肉牛肉切成一口size ，用上印尼巴東醬煮成，醬汁惹味得嚟又唔辣🐔海南雞一盒應該有1/4隻雞，份量嚟講CP值完勝，雞髀🍗、雞翼、雞胸肉都有齊，啖啖肉好滋味🐔新鮮砂薑手撕雞手撕雞用咗麻油同新鮮砂薑烹製而成，無骨手撕雞連埋少少帶點油脂嘅雞皮一齊食更滋味😋😋🐷滷水豬耳滷水汁夠入味，豬耳大大條有5條，相當抵食🐮香濃咖喱牛腩紅咖喱牛腩炆得夠稔，紅咖喱唔算辣但夠惹味送飯一流🍌🥥千層糕/黃金糕/香蕉糕/椰糖木薯糕班蘭千層糕就成日見啦，哩到仲有黑芝麻同芒果味添😆黃金糕嘅魚翅紋好靚，食落椰奶味仲好濃添🤗店長仲推薦我地試下香蕉🍌糕同木薯糕添，每一件都用蕉葉包住，前者有香蕉着酸甜味，後者煙煙韌韌椰香滿滿，全部都好好食