Fun Fun 串串鍋 (Closed)

天氣凍凍地。想同個老友撐下枱腳打邊爐。去開旺角就上嚟唎間Fun Fun串串鍋...之前都有嚟過呢度.....就係畀佢哋嘅自助形式火鍋配料所吸引可以鍾意食乜就食乜仲要係任食。入到去見到佢哋嘅火鍋配料櫃都相當吸引。形形色色不同丸類都包羅萬有。除咗火鍋配料之外。仲有安格斯牛...脆肉鯇....任食唔嬲。因為我同老友都食得辣。所以我哋嗌咗個bb辣嘅麻辣火鍋湯底。呢個只係bb辣嘅麻辣湯底都辣得相當勁抽。呢個原只八爪魚相當爽口。亦都非常彈牙。而且脆肉鯇任食。我亦自家製咗一個麻辣海膽丸出前一丁。麻辣湯底加上，出前一丁麻油。味道真係滋味無窮。