Video
Read full review
2021-07-14
44 views
之前有人問我哋係咪鍾意食cafe多，但其實唔係㗎～我哋咩都鍾意食，日日食cafe/日本嘢都好悶嘅🤪 今次就去咗呢間好抵食嘅港式點心小店，佢哋啲點心無論懷舊同創意嘅都有，我哋兩個食到勁飽都只係$200左右！😍▪️黑松露鮮蝦餃 $37▪️蝦餃好大隻好飽滿😍，唔會蓋過本身鮮蝦味，但又有好香黑松露，好特別😳，原來咁嘅配搭都幾好食👍🏻▪️一盅燒賣拼盤 $68▪️分別係6粒唔同口味嘅燒賣，有我哋平時都食到嘅乾蒸牛肉、經典蟹籽，仲有創意口味臘味糯米、鮮味鮑魚、白雪帶子、爆汁墨魚。最特別係爆汁墨魚燒賣，咬落好似墨魚丸，但又有流心嘅龍蝦🦞汁😱；臘味糯米食落好似小籠包但入面包咗糯米飯咁🤣；鮑魚同帶子只係喺傳統燒賣上加咗配菜，有唔同配搭～燒賣關注組嘅朋友仔真係要試下咁多款唔同嘅燒賣，可唔可以滿足到你🤪 ▪️春風得意腸 $35▪️見係openrice熱門所以叫嚟試吓～好薄嘅腸粉皮包住脆皮米網同蝦滑，表面仲有蟹籽，外軟內脆口感好豐富！食落仲有少少似炸兩咁，都幾特別🤪▪️鳳爪排骨飯 + 淮杞螺頭燉竹絲雞 $68(套餐)▪️呢個套餐個飯超大個，好抵食！個飯仲用咗荷葉喺底蒸，蒸完會令到飯濕濕地唔會太硬😍 鳳爪同排骨都好入味，排骨用上
▪️黑松露鮮蝦餃 $37▪️
蝦餃好大隻好飽滿😍，唔會蓋過本身鮮蝦味，但又有好香黑松露，好特別😳，原來咁嘅配搭都幾好食👍🏻
▪️一盅燒賣拼盤 $68▪️
分別係6粒唔同口味嘅燒賣，有我哋平時都食到嘅乾蒸牛肉、經典蟹籽，仲有創意口味臘味糯米、鮮味鮑魚、白雪帶子、爆汁墨魚。
最特別係爆汁墨魚燒賣，咬落好似墨魚丸，但又有流心嘅龍蝦🦞汁😱；臘味糯米食落好似小籠包但入面包咗糯米飯咁🤣；鮑魚同帶子只係喺傳統燒賣上加咗配菜，有唔同配搭～燒賣關注組嘅朋友仔真係要試下咁多款唔同嘅燒賣，可唔可以滿足到你🤪
▪️春風得意腸 $35▪️
見係openrice熱門所以叫嚟試吓～好薄嘅腸粉皮包住脆皮米網同蝦滑，表面仲有蟹籽，外軟內脆口感好豐富！食落仲有少少似炸兩咁，都幾特別🤪
▪️鳳爪排骨飯 + 淮杞螺頭燉竹絲雞 $68(套餐)▪️
呢個套餐個飯超大個，好抵食！個飯仲用咗荷葉喺底蒸，蒸完會令到飯濕濕地唔會太硬😍 鳳爪同排骨都好入味，排骨用上腩排，都係幾靚嘅位，唔會有碎骨～
個湯要推薦下，細細碗但係好足料，係燉咗好耐嘅老火湯味道，飲落冇味精👍🏻
Post
