籠太子點心專門店 (Closed)

銅鑼灣見完客，去埋附近搞保單嘢，搞完經過蘭芳道見到籠太子，諗起舊同事提過佢點心抵食，不如早啲食晚餐吧。見點心價錢係貼地喎，茶錢都係3蚊位，仲無加一啱啱坐低，A君話响附近，不如一齊食啦，唔駛周圍騰。店員推薦的新出品，黑松露野菌餃皮薄晶瑩，裡面係爽爽菇粒，口味清新，好食健康蝦餃皇可謂人氣之選，各食評幾乎都有佢，鍾意佢可以叫2隻嚟試蝦餃皮薄軟糯煙韌，餡料蝦肉爽口有蝦鮮味，A君都讚不絕口。原隻鮑魚燒賣鮑魚咬落腍中有勁，鮑魚味豐盈，燒賣外皮唔會腍爛，肉味鮮美，好食喎叉燒包如果有少少笑口，見到啲餡更好，包皮QQ軟熟，叉燒餡肥瘦適中，醬汁味道唔會好咸。黃沙潤腸腸粉皮唔算薄，勝在熱辣辣夠滑溜，豬潤新鮮起沙，質軟唔硬清清哋食碗柴魚花生粥，粥底綿滑帶著柴魚香，唔錯咸魚肉餅飯A君話ok野葛菜鯪魚豬骨湯啱晒屋企好耐無煲湯嘅我，老火湯面有點油，湯味清而帶點野葛菜味，入口順喉，唔錯。