鴻發牛什魚蛋專家

Open Now

Now Closed

早兩日自己一個入大埔做嘢，冇乜胃口打算搵碗粉麵食就算數！走咗去出名多好嘢食嘅大埔墟熟食市場，上到去見到有好多間都有粉麵食，於是乎搵左呢一間「鴻發」，座位唔算太多，中午時段差不多坐爆哂。上openrice爬文後決定order一碗牛腩魚片河！首先，30幾蚊一碗粉有咁嘅份量真係無得輸，河粉夠多之餘連牛腩同魚片都唔少，仲送你一塊炸魚皮㖭！魚片都算彈牙兼有魚味，牛腩亦夠香、軟硬度適中。河粉唔算好滑，但都算過得去啦！本來成碗粉都唔錯，但係敗筆就係個湯底嗰度，真心講，真係超級重味精！食完之後我去七仔買左成支蒸餾水，隊晒之後仍然覺得好口渴!熟食中心果度仲有好多其他選擇，下次再去嘅時候，我諗我都係試吓其他囉！