炎天丼 (Closed)

經朋友介紹一間位於大埔食天丼的小店，一個天丼連沙律 麵豉湯老係五，六十蚊。話又便宜又正宗，所以我就即管去試下。落左火車都要行一段時間，地點都叫易搵，係明星酒家旁邊。一去到要排隊。但係已經2點都要等一陣。所有天丼即叫即炸，不過我心血來潮就叫左個炸雞飯價錢平，份量多，沙律正常，可以中和一下熱氣，麵豉湯不太鹹，更有一陣菜甜，幾好飲。炸雞炸得好完美，外脆內軟，雞上面係一粒流心半熟蛋，無得彈。炸南瓜，蓮藕，茄子天婦羅望落好似好油，但食落無想像中咁熱氣，保留到原本食物既味，因為有一d炸到唔知食緊乜野，呢個做得幾好。總括，三個字講哂，平令正不過大埔就唔近城市人，可能唔會成日去，不過一試難忘，唸住寫食評個時見到旺角分店岩岩新開張，不過唔知味道會唔會一樣呢？