Video
Read full review
2016-07-23
3128 views
是夜又去紅磡搵食，從尖沙咀放工，慢慢散步到紅磡，行過大街小巷，有好多小餐廳，感覺好似去左台灣咁，難得香港有個地方唔係行兩步就連鎖大店每一次行到呢類小巷，我同炭星人就會好興奮咁扮去旅行，利用我地無窮嘅想象力離開香港😂😂門面有少少老舊，但無阻我地搵平令正美食嘅決心，照去無誤！最近迷上"孤獨的美食家",有時男主腳會去家庭料理店，EXACTLY 就係呢間店嘅佈局，覺得有趣係掛喺牆面嘅MENU, 有中文有日文，老闆似乎係喺香港生活多年嘅日本sen, 用少許咸淡嘅廣東話招呼每一枱客人，真係好似去左日本某個小鎮咁（繼續FF...）無特登影餐牌，但可以話你知拉麵平均$40,飯係$46, 小菜$35-$40, 串燒類（魚類為主）$30-$90, 絕對抵食，點止冰冰咁點菜都唔怕埋唔到單，係小資情侶嘅好選擇～🌸🌸🌸前菜：青瓜漬 $35 ⭐️⭐️⭐️漬物於我有一種奇怪嘅吸引力，正如食雲南菜一定要食爽拍黃瓜，漬物係日本家常菜必備嘅，通常係用自家出品嘅米糠去醃（如果你又係阿信的故事年代，你可能知我講咩哈哈哈）有點期待佢出場，一食落，爽脆度有餘，味道不足。第一二三舊我都以為佢hea 我，因為完全無味，但第四舊我就食到有少
每一次行到呢類小巷，我同炭星人就會好興奮咁扮去旅行，利用我地無窮嘅想象力離開香港😂😂
門面有少少老舊，但無阻我地搵平令正美食嘅決心，照去無誤！
最近迷上"孤獨的美食家",有時男主腳會去家庭料理店，EXACTLY 就係呢間店嘅佈局，覺得有趣係掛喺牆面嘅MENU, 有中文有日文，老闆似乎係喺香港生活多年嘅日本sen, 用少許咸淡嘅廣東話招呼每一枱客人，真係好似去左日本某個小鎮咁（繼續FF...）無特登影餐牌，但可以話你知拉麵平均$40,飯係$46, 小菜$35-$40, 串燒類（魚類為主）$30-$90, 絕對抵食，點止冰冰咁點菜都唔怕埋唔到單，係小資情侶嘅好選擇～🌸🌸🌸
青瓜漬
$35
42 views
0 likes
0 comments
漬物於我有一種奇怪嘅吸引力，正如食雲南菜一定要食爽拍黃瓜，漬物係日本家常菜必備嘅，通常係用自家出品嘅米糠去醃（如果你又係阿信的故事年代，你可能知我講咩哈哈哈）
有點期待佢出場，一食落，爽脆度有餘，味道不足。第一二三舊我都以為佢hea 我，因為完全無味，但第四舊我就食到有少少少少咸香，估計有醃，不過醃左五分鐘咁。如果你中意漬物，可以試，但其實有點小貴，作為冷盤前菜都不過不失，但未到五粒星推薦度。
大阪燒
$38
99 views
0 likes
0 comments
大阪燒
$38
92 views
0 likes
0 comments
對前菜嘅觀感完全被大阪燒挽回！好食！！首先柴魚好夠份量，上枱時仲有卷動，好過癮😆close up 可以睇到除左燒汁仲有日本菜必備Mayo, 覆甜嘅口味好開胃，粉漿同魷魚比例剛好，有咬口得黎唔會過un, 同埋兩個人share 啱啱好，細細件唔會過飽～👍🏿👍🏾👍🏼
鰻魚飯
$88
49 views
0 likes
0 comments
鰻魚飯
$88
37 views
0 likes
0 comments
鰻魚飯
$88
37 views
0 likes
0 comments
炭星人好喜歡鰻魚，所以佢見到呢間出名鰻魚飯就要黎試下佢。名不虛傳！老實說，幾乎間間店都用同一種燒汁，但呢個飯好食在於個鰻魚啖啖肉，入口有即溶嘅感覺，又滑又嫩，而且份量好足，除左白飯好似免費地多，鰻魚有兩大片，再加個海帶蘿蔔絲湯，相比起有啲出名嘅鰻魚飯叫價$2xx, 呢個飯絕對值回票價！
同埋中意啲飯粒有少少硬身，同個鰻魚比一軟一硬，好夾！
咖喱吉列豬扒飯
$46
63 views
0 likes
0 comments
如果你有睇開日劇，可能會知道咖喱都係家常必備料理，點都要試下啦！
份量超足！後面係一個正常碗，對比起呢個飯完全小巫見大巫。咖哩汁非常足夠，唔怕食到一半要乾啃白飯。
咖喱吉列豬扒飯
$46
32 views
0 likes
0 comments
咖喱吉列豬扒飯
$46
26 views
0 likes
0 comments
作為一個嚴控白飯攝取量嘅我，都食晒呢碟咖哩飯，可見個汁同飯係幾配😂😂炭星人見我食得晒都睇到呆左哈哈哈哈
是次消費$210, 店舖坐位有點太逼，小食份量係少，主菜份量十足，整體黎講唔太追求環境要靚靚都可以黎試下！抵食夾好食👍🏿👍🏾👍🏿👍🏼👍🏿👍🏾
Post
