Video
Read full review
2022-05-25
570 views
(四月尾食)疫情緩和咗，就嗱嗱臨約friend聚吓～ 我哋四個都係辣腳嚟嘅所以就係OpenRice search吓有咩湘菜食，就彈咗呢間出嚟，見新開張又米芝連，仲做緊$1酸菜魚推廣，立即book。我哋叫咗5個菜，全部正常辣度。-香辣脆豬手（上枱個樣醜醜地，但係最好食最惹味係佢，最緊要唔油）-酸辣雞珍（正正常常冇乜特別）-干鍋田雞（田雞肉好嫩、好彈牙都好味）-手c包菜（油咗啲, 不過菜好爽口又夠辣）-$1酸菜魚🤣（一上枱就聞到勁香，冇因為做緊優惠而將貨就價，魚塊同酸菜都唔少架，仲有跟埋少量薯粉，連埋佢個酸菜湯汁一齊食，正呀酸酸辣辣，我仲食到打c eight添😅 ）埋單$48x, 五個餸四個人食，每人$100仲有得找，勁抵食呀！！（當然都係因為個一蚊酸菜魚啦）佢個餐牌仲有好多唔同嘅菜式，下次要再試埋其他～ *呢變座位都幾舒適，枱同枱之間都有一段距離唔會坐得好擠迫，環境又唔嘈吵，都好啱邊食邊傾偈。
疫情緩和咗，就嗱嗱臨約friend聚吓～ 我哋四個都係辣腳嚟嘅所以就係OpenRice search吓有咩湘菜食，就彈咗呢間出嚟，見新開張又米芝連，仲做緊$1酸菜魚推廣，立即book。
我哋叫咗5個菜，全部正常辣度。
-香辣脆豬手（上枱個樣醜醜地，但係最好食最惹味係佢，最緊要唔油）
-酸辣雞珍（正正常常冇乜特別）
-干鍋田雞（田雞肉好嫩、好彈牙都好味）
-手c包菜（油咗啲, 不過菜好爽口又夠辣）
-$1酸菜魚🤣（一上枱就聞到勁香，冇因為做緊優惠而將貨就價，魚塊同酸菜都唔少架，仲有跟埋少量薯粉，連埋佢個酸菜湯汁一齊食，正呀酸酸辣辣，我仲食到打c eight添😅 ）
埋單$48x, 五個餸四個人食，每人$100仲有得找，勁抵食呀！！（當然都係因為個一蚊酸菜魚啦）佢個餐牌仲有好多唔同嘅菜式，下次要再試埋其他～
*呢變座位都幾舒適，枱同枱之間都有一段距離唔會坐得好擠迫，環境又唔嘈吵，都好啱邊食邊傾偈。
Post
