Video
Read full review
2016-10-02
4327 views
之前FACHON係尖沙咀開既時候已經有留意，呢間沙田既新店仲要有得堂食，適逢放假就同一班朋友黎食tea。店鋪非常光猛，以白色為主調，餐廳後面有大大個FACHON既招牌。除左下午茶，朋友對呢度既鹹食都有興趣。落單後大約10分鐘，下午茶就送到。呢個法式三層架下午茶價錢相宜，兩位都只係$160‼️。Tea set有鬆餅、法式貝殻蛋糕、經典馬卡龍、迷你咖哩雞肉菠菜批、迷你巴黎火腿三文治、FACHON甜品、咖啡或茶。Macaron同蛋糕口味係隨機奉上嘅。貝殻蛋糕又香又軟熟，芝士火腿三文治鹹香，咖哩批嘅咖哩味則比較淡，macaron鬆化不黏牙亦不會太甜。今次隨機甜品係士多啤梨脆蛋白蛋糕，蛋糕中間有一層果醬，味道頗清新。另外再叫咗三件cake: 蛋白檸檬撻 / 特濃朱古力蛋糕 / 白朱古力草莓撻 ($55) 蛋白檸檬撻味道偏酸，正合我口味。 特濃朱古力蛋糕用上黑朱古力，所以味道唔合過甜，朱古力味非常濃郁。食完Tea set，同朋友決定叫幾款鹹食試下。第一款叫左法式香草鴨肝法式多士及焦糖蘋果配蘋果花茶汁($118)。鴨肝份量合理，亦煎得頗香，焦糖蘋果同鴨肝好夾。法式多士則中規中矩，還是傳統的好吃。再來一
店鋪非常光猛，以白色為主調，餐廳後面有大大個FACHON既招牌。
除左下午茶，朋友對呢度既鹹食都有興趣。
落單後大約10分鐘，下午茶就送到。呢個法式三層架下午茶價錢相宜，兩位都只係$160‼️。
Tea set有鬆餅、法式貝殻蛋糕、經典馬卡龍、迷你咖哩雞肉菠菜批、迷你巴黎火腿三文治、FACHON甜品、咖啡或茶。Macaron同蛋糕口味係隨機奉上嘅。
貝殻蛋糕又香又軟熟，芝士火腿三文治鹹香，咖哩批嘅咖哩味則比較淡，macaron鬆化不黏牙亦不會太甜。
今次隨機甜品係士多啤梨脆蛋白蛋糕，蛋糕中間有一層果醬，味道頗清新。另外再叫咗三件cake: 蛋白檸檬撻 / 特濃朱古力蛋糕 / 白朱古力草莓撻 ($55)
蛋白檸檬撻味道偏酸，正合我口味。 特濃朱古力蛋糕用上黑朱古力，所以味道唔合過甜，朱古力味非常濃郁。食完Tea set，同朋友決定叫幾款鹹食試下。
第一款叫左法式香草鴨肝法式多士及焦糖蘋果配蘋果花茶汁($118)。
鴨肝份量合理，亦煎得頗香，焦糖蘋果同鴨肝好夾。法式多士則中規中矩，還是傳統的好吃。
再來一份法式油封鴨腿伴炒薯 ($178)。油封鴨腿大大隻，外皮微微帶脆有油香，鴨腿亦很嫩，伴炒薯真不錯！
最後係香煎帶子海蝦伴炒薯及菠菜配檸檬香草汁($178)。帶子同海蝦都好大隻！帶子底面都煎得焦脆，中間仍然保持鮮嫩。海蝦大隻又爽口彈牙，檸檬香草汁能將海鮮鮮味帶出。最可惜係閃電泡夫當日已經賣哂，話哂都係呢度既招牌甜品，唯有下次再黎食過！
Post
