帝景軒 (Closed)

荃灣深井區抵食buffet之選！帝景酒店最近新出了 尋味·東南亞龍蝦自助晚餐 星期一至五 成人每位只是$278 就已經可以享用酒店級數既服務同食物！包括海鮮、刺身、沙律、凍肉拼盤、燒牛肉、粉麵、熟食、湯品、甜品、雪糕 (淨係Häagen-Dazs雪糕已經有五款咁多，部分仲要係特別口味)，每位重送半份焗龍蝦！超多膏！而且肉質結實！依家食一餐 放題 都唔止呢個價啦！雖然星期六日價錢貴少少($338)，但食物種類亦會相對多啲！所以絕對非常抵食！個人最欣賞呢度既蟹肉芒果沙律、喇沙、班蘭蛋糕、同 木糠布丁！