Video
Read full review
2012-07-06
578 views
好友知道我同哥哥都鍾意食日本菜，所以有好野一定會介紹比我地。今次佢仲好有心地擇埋日，請我地去酒店食日式buffet添，心感萬分榮幸！華美粵海酒店個地點都算幾方便，行兩步路，的士，巴士，小巴，電車，乜車都有，最遠係地鐡，要去到金鐘站或者灣仔站搭。我地嗰日六點鐘左右到，餐廳唔係好多客，坐得都OK舒服，又唔會話太糟，只係覺得室內燈光暗左少少。雖然話係食buffet，但係食客唔需要自己攞野食，大家只要填紙仔，寫清楚要邊款食物同數量，交比哥哥仔，好快就有得食。請留意，餐牌寫明，為免影響食物質素，銀座蔵人每次落單會根據人數作出限制。如果發現浪費食物，餐廳有可能會收取食物原價，其實好公平：一至三位：六款（每次每款最多兩碟）四至五位：八款（每次每款最多兩碟）六位或以上：十二款（每次每款最多三碟）以下係小弟當晚試過o既菜式： 204牛蒡沙律：不甚精彩，不吃也吧。 312雜錦刺身：刺身一上枱，我地所有人都不禁嘩左幾聲，因為大家都冇諗到個刺身拼盤會咁睇得，當然成功謀殺左唔少菲林啦。魚生質如其相，新鮮肥美，必吃之選！ 609燒魷魚：賣相非常吸引，不過因為XO 唔係好食魷魚，所以冇試。 905日式海鮮粥：個粥有
華美粵海酒店個地點都算幾方便，行兩步路，的士，巴士，小巴，電車，乜車都有，最遠係地鐡，要去到金鐘站或者灣仔站搭。
我地嗰日六點鐘左右到，餐廳唔係好多客，坐得都OK舒服，又唔會話太糟，只係覺得室內燈光暗左少少。雖然話係食buffet，但係食客唔需要自己攞野食，大家只要填紙仔，寫清楚要邊款食物同數量，交比哥哥仔，好快就有得食。請留意，餐牌寫明，為免影響食物質素，銀座蔵人每次落單會根據人數作出限制。如果發現浪費食物，餐廳有可能會收取食物原價，其實好公平：
一至三位：六款（每次每款最多兩碟）
四至五位：八款（每次每款最多兩碟）
六位或以上：十二款（每次每款最多三碟）
以下係小弟當晚試過o既菜式：
204牛蒡沙律：不甚精彩，不吃也吧。
312雜錦刺身：刺身一上枱，我地所有人都不禁嘩左幾聲，因為大家都冇諗到個刺身拼盤會咁睇得，當然成功謀殺左唔少菲林啦。魚生質如其相，新鮮肥美，必吃之選！
609燒魷魚：賣相非常吸引，不過因為XO 唔係好食魷魚，所以冇試。
905日式海鮮粥：個粥有少少似泡飯，湯底好夠味，亦好足料，唯一我地等左差不多半個鐘先黎，所以建議大家早少少落單。
407大蝦天婦羅：即叫即炸，新鮮熱辣，皮脆蝦爽，十分香口，小肥主打之一，一個人食左十幾隻。
203辣汁海鮮沙律：一個用魚生黎做o既沙律，可能係因為用左辣汁做，食落好似冇咁溜。
803蒜蓉香燒牛舌：雖然個樣可能唔係好得，不過食落個牛舌真係好夠薄，所以一Ｄ都唔韌；用蒜香燒，更添香口。
602雞肉串：雞肉串肉質算嫩，肉汁夠，又連雞皮，正！其他串燒中，牛舌，豬頸肉，雞中翼，雞軟骨，同鴨舌都好好食。
112蒸蛋：蒸蛋做得好香滑，帶有一陣微微o既雞湯味，size同味道都好啱XO仔。
401香炸雞軟骨：炸粉唔會太多，夠熱夠香口，送酒佳選。
805 Tataki牛柳：比較嚡同韌，大家無謂浪費quota去試。
610鹽燒鯖魚：據愛食魚o既人所講，個魚燒得唔錯，夠熱，而且唔腥。
銀座蔵人每位兩百幾蚊o既日式自助餐真係好抵食。雖然服務生人數唔多，不過都足以應付落單，傳餸，換碟，算係咁。寫紙落單，即叫即做，應涷得涷，應熱得熱，可以確保魚生新鮮，熱食唔會過熟，衛生得黎又可以控制客人唔會浪費食物，管理得非常好。小弟會建議大家主攻刺身，壽司，串燒，炸物如天婦羅，雞軟骨，等，好容易就會值回票價。後記：「華美粵海酒店」同「銀座蔵人」個名真係好難記，每次推介佢地個日式料理比日食愛好者時，都要用好多時間講解個地點。
Post
