Video
Read full review
2023-07-11
511 views
疫情期間冇得去旅行，造就omakase越開越多。今次揀咗銅鑼灣一間中等嘅黎試下。25道菜好豐富，千五蚊算幾抵。以下精選幾道我的最愛記錄下！北海道白玉米：生食鮮嫩清甜，帶微微嘅蔗香。海草伴松葉蟹：沖繩水雲質感似髮菜，柔軟微黏同絲絲蟹肉好夾。以醋調味酸娓娓好開胃。真調魚卷海膽豆腐：薄切嘅真調魚片晶凝通透，透出內餡嘅橙黃色！上面仲有菊花花瓣作點綴，幾別緻！活北寄貝：肥美厚實，切割完仲好新鮮仲會郁，滴少少青柚子汁一啲都唔腥！龍蝦刺身：彈牙嘅龍蝦肉本身冇乜味，配搭鮮甜濃郁嘅馬糞海膽就啱晒！加些少魚子醬調味就更加高級。牡丹蝦刺身：大大隻肉質豐滿好有睇頭，蝦肉鮮甜。本來已經濃郁嘅蝦膏經過調味更加香濃惹味。酸汁啫喱生蠔：來自日本岩手縣氣仙町蠔，質地嫩滑，一啲都唔腥，浪不虛名！車海老：輕輕焯至成熟，彈牙得來保持鮮甜，以積木柚子皮作點綴好清新。蝦頭都唔浪費，炸得酥脆，佐酒一流。北海道銀鱈魚：從來冇食過刺身版本嘅銀鱈魚，原來新鮮嘅話可以咁樣食！好似拖羅咁滑但係又冇咁油膩。加埋炸蒜好友西京燒嘅影子。岩手縣紫海膽：原隻新鮮開好吸睛，比馬糞海膽清甜，加埋高湯製成嘅啫喱同埋三文魚子味道啱啱好。每一隻嘅味都獨一無二，
北海道白玉米：生食鮮嫩清甜，帶微微嘅蔗香。
海草伴松葉蟹：沖繩水雲質感似髮菜，柔軟微黏同絲絲蟹肉好夾。以醋調味酸娓娓好開胃。
真調魚卷海膽豆腐：薄切嘅真調魚片晶凝通透，透出內餡嘅橙黃色！上面仲有菊花花瓣作點綴，幾別緻！
活北寄貝：肥美厚實，切割完仲好新鮮仲會郁，滴少少青柚子汁一啲都唔腥！
龍蝦刺身：彈牙嘅龍蝦肉本身冇乜味，配搭鮮甜濃郁嘅馬糞海膽就啱晒！加些少魚子醬調味就更加高級。
牡丹蝦刺身：大大隻肉質豐滿好有睇頭，蝦肉鮮甜。本來已經濃郁嘅蝦膏經過調味更加香濃惹味。
酸汁啫喱生蠔：來自日本岩手縣氣仙町蠔，質地嫩滑，一啲都唔腥，浪不虛名！
車海老：輕輕焯至成熟，彈牙得來保持鮮甜，以積木柚子皮作點綴好清新。蝦頭都唔浪費，炸得酥脆，佐酒一流。
北海道銀鱈魚：從來冇食過刺身版本嘅銀鱈魚，原來新鮮嘅話可以咁樣食！好似拖羅咁滑但係又冇咁油膩。加埋炸蒜好友西京燒嘅影子。
岩手縣紫海膽：原隻新鮮開好吸睛，比馬糞海膽清甜，加埋高湯製成嘅啫喱同埋三文魚子味道啱啱好。每一隻嘅味都獨一無二，不妨同同行友人交換試下。
香魚BB：薄薄一層漿粉，將魚鰭嘅型態保存得栩栩如生，盡顯師傅嘅功力。魚頭魚肚位置回甘，鍾意食秋刀魚果種甘苦味嘅人要試吓。
哈密瓜伴岩鹽雪糕：以時令果物作結尾，perfect！
Post
