Coedo Taproom (Fashion Walk) (Closed)

今日去銅鑼灣睇完電影，係附近Fashion walk 有好多食肆，見Coedo taproom 有抵食lunch semi buffet 所以就行左入去試下。Lunch buffet 既main courses 有六款野選擇，中、日、韓式都有。我叫左個日本芝士豆腐沙律🥗同鰻魚石頭鍋飯。然後可以自己出去任飲日式熱湯、沙律、玉子燒、冷盤魚同甜品等（日式抺茶布丁🍮、麻糬紅豆）前菜食完沙律同飲完湯都飽飽地😂😂跟住都食日本芝士豆腐沙律🥗呢個沙律既豆腐好清甜，同有豆香，中間食食下仲有芝士，而且好大份，唔會唔夠飽。想減肥同素食人士岩哂👍🏻而個鰻魚飯好大碗，二人食都食唔哂，可能又食左餐前小菜🙈最欣賞個飯有飯焦😍😍好少石頭鍋飯係有飯焦，因為通常係煮好放進鍋入。而且條鰻魚好大條，分左兩截！加埋配菜，好正👍🏻最後食埋個甜品就完美😄😄服務員仲好nice 咁留意到隔離台未食甜品，主動幫佢地拎叫佢地試。最正係抺茶布丁，真係好滑好香濃😍😍😍聽聞呢間仲好出名手工啤同串燒，因為我地太早去未試到😉希望下次宵夜時段再去先😎