Quattro's Kitchen (Closed)

呢間餐廳之前係超市個層，依家搬左黎3樓，都未食過，於是星期六同老公去食晚餐。我地叫左個二人餐，加$38就可以配半自助餐，包括任食沙律吧、自助甜品、湯類及小食等，好抵食。干邑龍蝦湯龍蝦湯幾creamy，入面隻蝦非常爽彈，好好食。巨人安格斯肉眼上枱真係哇一聲，果然好巨型，而且不單止大塊，亦都好厚身，肉眼有牛味，唔會好韌，亦唔鞋口，另外有紫薯片、薯仔、番茄仔、菇、南瓜、蒜頭。餐飲叫左Cappuccino同果茶。自助區都有唔少野食，有沙律、冷盤、炸物、餐湯(今日係羅宋湯)、餐包、甜品，好飽好抵食。