御前上茶 (Closed)

今日睇完戲個肚打晒鼓，於是去咗附近搵嘢食醫肚。下晝5:00到完全唔使等位，我哋坐低叫咗一個大阪燒同一個鐵板抹茶雪糕窩夫。大阪燒主要係椰菜同粉漿，味道同章魚燒一樣，可惜餸料比較單一，但勝在夠熱同脆。另外果道鐵板抹茶雪糕窩夫最特別之處就係會上菜之後喺你面前為呢一味菜淋上抹茶，但我覺得淋上抺茶後個窩夫變得腍滋滋，反而冇咁好食。但係上面個雪糕就好味。