Video
Read full review
2021-12-02
513 views
聽一位街坊講，話哩間點心店服務好差，叫D待應係無反應唔理人無服務可言！但直覺話我知係流料，當然，最好就緊係自己親自幫襯，去睇吓係咪真係咁差啦！打開份 menu 最吸引係煎糯米雞，第二就係酥皮焗叉燒包，原因咪就係少見囉！先講講其他點心先，每一粒蝦餃外皮無穿，皮唔算厚，蝦肉彈牙，對我嚟講，已經合格過關，而餡料加上筍絲，即時加分！滿分！牛仔骨肉嫩，但每一件都比較大，切細件D更易入口.煎糯米雞嘅 size 比一般糯米雞細，外套煎得唔夠脆，失望.酥皮焗叉燒包原來外表整到好似菠蘿包，所以叫酥皮，入口外皮酥脆餡料足，滿意！最後，D待應姐姐有服務喎，叫佢地係有反應喎，重問我個位夠唔夠涼㖭！又一証明咪人講你就信！世上抹黑何其多！
但直覺話我知係流料，當然，最好就緊係自己親自幫襯，去睇吓係咪真係咁差啦！
打開份 menu 最吸引係煎糯米雞，第二就係酥皮焗叉燒包，原因咪就係少見囉！
先講講其他點心先，每一粒蝦餃外皮無穿，皮唔算厚，蝦肉彈牙，對我嚟講，已經合格過關，而餡料加上筍絲，即時加分！滿分！
牛仔骨肉嫩，但每一件都比較大，切細件D更易入口.
煎糯米雞嘅 size 比一般糯米雞細，外套煎得唔夠脆，失望.
酥皮焗叉燒包原來外表整到好似菠蘿包，所以叫酥皮，入口外皮酥脆餡料足，滿意！
最後，D待應姐姐有服務喎，叫佢地係有反應喎，重問我個位夠唔夠涼㖭！
又一証明咪人講你就信！世上抹黑何其多！
Post
