Video
Read full review
2022-06-12
1591 views
作為blacksheeprestaurants 嘅忠實fans，見到佢岀左星期一二限定嘅PLATED MENU又點可以唔試下！今次就揀左呢間越南野試一試佢。餐廳最近換左新主廚，亦帶黎左啲新菜式。夜晚黎到，人均HKD328就可以食到6款越南菜，仲有平時法國餐廳嘅貴價洋蔥湯，呢道超有驚喜呀！餐廳走法式小餐館嘅風格，燈光昏暗，幾有情調呢~▪️UN SOIR D’ÉTÉ $328 pp1️⃣Pho Onion Soup 呢款越式牛骨髓洋蔥湯 採用左法式洋蔥湯嘅做法~ 飲落牛同洋蔥味道相當濃郁。面頭佈滿焦香芝士，而湯中就有唔少軟淋嘅洋蔥絲同法包，浸腍左嘅法包口感極似油炸鬼。仲可以加埋牛骨髓一齊飲，為湯增添一絲油香，層次更為豐富。家姐阿妹超喜歡呢道！2️⃣Banh Xeo越式番茄芝士煎餅 一上枱超香！外層香脆，內裡包滿芝士，鹹香十足！偶爾咬到酸甜多汁嘅蕃茄，可一添濕潤度 一解油膩感。旁邊仲配有唔少生菜香草，包保有足夠嘅纖維！3️⃣8-Hour Braised Beef Tongue牛舌厚身微爽彈，有幾塊肉質相當軟淋。用上焦牛油魚露、越南芫荌油、香茅青檸油作調味，入口微辣，不過牛吞本身就唔算好入味。最底個幾塊基本
今次就揀左呢間越南野試一試佢。餐廳最近換左新主廚，亦帶黎左啲新菜式。夜晚黎到，人均HKD328就可以食到6款越南菜，仲有平時法國餐廳嘅貴價洋蔥湯，呢道超有驚喜呀！
餐廳走法式小餐館嘅風格，燈光昏暗，幾有情調呢~
▪️UN SOIR D’ÉTÉ $328 pp
1️⃣Pho Onion Soup
呢款越式牛骨髓洋蔥湯 採用左法式洋蔥湯嘅做法~ 飲落牛同洋蔥味道相當濃郁。面頭佈滿焦香芝士，而湯中就有唔少軟淋嘅洋蔥絲同法包，浸腍左嘅法包口感極似油炸鬼。仲可以加埋牛骨髓一齊飲，為湯增添一絲油香，層次更為豐富。家姐阿妹超喜歡呢道！
2️⃣Banh Xeo
Banh Xeo
21 views
0 likes
0 comments
越式番茄芝士煎餅 一上枱超香！外層香脆，內裡包滿芝士，鹹香十足！偶爾咬到酸甜多汁嘅蕃茄，可一添濕潤度 一解油膩感。旁邊仲配有唔少生菜香草，包保有足夠嘅纖維！
3️⃣8-Hour Braised Beef Tongue
牛舌厚身微爽彈，有幾塊肉質相當軟淋。用上焦牛油魚露、越南芫荌油、香茅青檸油作調味，入口微辣，不過牛吞本身就唔算好入味。最底個幾塊基本上係比啲油浸住，不過好彩側邊都配左啲醃時蔬，酸尾尾可以中和油膩感。
4️⃣Stir-Fried Vietnamese Greens
Stir-Fried Vietnamese Greens
18 views
0 likes
0 comments
芥蘭、秋葵、通菜等多款蔬菜炒埋一碟。好家常嘅一道，食落充滿蒜香，估唔到連秋葵都可以炒得咁爽口！
5️⃣Garlic Fried Rice
蒜香炒飯 粒粒分明，炒得好香，但蒜香偏淡，有點少失望。
6️⃣Condensed Milk Flan
布甸蛋香濃郁口感軟滑。上面嘅滴漏咖啡焦糖，咖啡香氣濃郁得黎，唔會太苦澀。唔錯！
— — — — — — — — — — — — — ⠀⠀
▪️Ember-Grilled Octopus $288
用大大條牛骨裝住八爪魚~八爪魚大大粒超軟淋！炭烤香氣十足。𢳂埋牛骨髓一齊食，入口更滑溜，亦為本身無乜調味嘅八爪魚增添左一絲油香。加埋羅望子醬、香草、辣椒，食落都唔會好油膩。
整體嚟講，PLATED MENU頭兩道同甜品相當有驚喜！其餘幾道就不過不失。但晚夜黎講呢個價錢都算相宜，重點係洋蔥湯同煎餅好似都冇得單嗌。完咗PLATED MENU應該都會再黎試下佢啲à la carte，佢嘅八爪魚真心好食！
Post
