Video
Read full review
2020-03-22
51 views
今日放工就去左太古揾下有啲咩野食，行入aeon見到有間別天神，諗都冇諗就即刻入左去。雖然別天神除左拉麵仲有啲咖喱飯個啲可以食，但係都係抗拒唔到佢嘅豬骨湯底同櫻花蝦湯底！先講下佢嘅櫻花蝦拉麵。個湯一啲都唔會太咸，一飲落去啲櫻花蝦味即刻湧曬上黎，再食一啖脂肪同肉比例啱啱好嘅叉燒，再黎一啖有質感，煙韌冇發漲嘅拉麵，間直係冇得彈。食左一半同我個朋友交換左個麵黎食。上面未講別天神有個好好嘅地方，就係佢有提供切到非常容嘅蒜蓉。切到咁蓉嘅好處就係一加入啲拉麵到，攪一攪就會好有蒜蓉味，又唔會食到一舊舊蒜蓉辣親。個豬骨湯本身好有豬骨味，再加左啲蒜蓉之後，將佢本身嘅膩減少左，再提升左豬骨嘅香味，真係唔輸俾櫻花蝦！每碗拉麵都有隻溏心蛋，淨係睇都知好味！我同朋友一人揀左一個唔同嘅伴菜，一個係餃子，一個係龍蝦沙律。食幾啖拉麵，再食下啲伴菜，攪到成餐飯唔會好dry淨係得一樣野食！P.S. 個沙律用紫菜包好好味！
先講下佢嘅櫻花蝦拉麵。個湯一啲都唔會太咸，一飲落去啲櫻花蝦味即刻湧曬上黎，再食一啖脂肪同肉比例啱啱好嘅叉燒，再黎一啖有質感，煙韌冇發漲嘅拉麵，間直係冇得彈。
食左一半同我個朋友交換左個麵黎食。上面未講別天神有個好好嘅地方，就係佢有提供切到非常容嘅蒜蓉。切到咁蓉嘅好處就係一加入啲拉麵到，攪一攪就會好有蒜蓉味，又唔會食到一舊舊蒜蓉辣親。個豬骨湯本身好有豬骨味，再加左啲蒜蓉之後，將佢本身嘅膩減少左，再提升左豬骨嘅香味，真係唔輸俾櫻花蝦！
每碗拉麵都有隻溏心蛋，淨係睇都知好味！
我同朋友一人揀左一個唔同嘅伴菜，一個係餃子，一個係龍蝦沙律。食幾啖拉麵，再食下啲伴菜，攪到成餐飯唔會好dry淨係得一樣野食！P.S. 個沙律用紫菜包好好味！
Post
