麵屋一平安 (Closed)

行完街去美麗華搵野食，見到呢間日本拉麵店，睇睇價錢唔算貴，所以入去試吓。鐵板牛排，上枱熱辣辣，個鐵板煎到牛排好香，牛排食落好juicy,都好淋滑。明太子炸雞翼，雞翼炸到好香脆，入面嘅明太子勁足料，釀到脹卜卜，雞肉食落都好嫩滑。炸八爪魚，外皮d炸粉唔算太厚，炸到勁脆口，d八爪魚都幾大粒，呢款小食，送酒一流。泡泡鳥白拉麵，碗麵上枱時，表面真係好多泡泡，第一啖飲個湯時，好有空氣感，飲落好鮮甜，而d雞肉，食落都勁嫩滑，唔錯。特製醬油豚骨拉麵，個醬油湯底都幾好味，唔會太咸，d豚肉肥瘦均勻，煮得好入味同好淋，而佢地嘅麵質都幾煙韌，都幾好食。