頂立

Open Now

Now Closed

今日突然想食拉麵，即刻上網search吓邊間拉麵舖好食，搵到呢間頂立，即刻去試吓。舖頭位置好方便，舖頭唔算多位，要等咗一陣先有得入座。雖然要等位，但係舖頭都好有誠意，喺出邊已經俾定個Menu我哋睇，仲同我哋介紹佢哋拉麵嘅特色。食物選擇唔多，證明佢哋對自己嘅拉麵好有信心，加錢可以享受埋佢哋個咖啡有更完整嘅體驗。叫咗雞白湯同埋蝦湯各一。雞白湯濃得來唔會覺得膩，一啖咖啡一啖湯，會覺得湯嘅味道升華咗。個人嚟講更加鍾意蝦湯，成個味都好鮮，成個湯飲晒都唔會覺得口渴，配埋個咖啡，after taste有少少威士忌味，真係好夾。每個拉麵都會配埋無花果乾，望吓佢個推薦食法，原來係俾我哋配埋個肉食。煙煙韌韌嘅無花果乾，陪襯返個豚肩肉，肉嘅味道唔會膩。就算齋飲個咖啡，都feel到佢咖啡個誠意，入口先係少少士多啤梨同雲呢拿味，到中段會有威士忌味，成件事好有層次。一個完整嘅Menu最後一定要有埋甜品，甜品係一個昭和硬布丁，佢個味似cream brûlée，會食到好有質感嘅布丁，襯埋個焦糖好香。係香港想食拉麵周圍都有，估唔到頂立比到驚喜我，完全感受佢個誠意同用心。