麵道 (Closed)

話說早前得知城市中心有一間京都風味既拉麵店，聞說拉麵幾好，今日經過餐廳門口又唔洗等位，所以決定下午茶時間一試真偽。一望餐牌，見到海老豚骨湯底比較特別，至少唔會獨沽一味得豚骨湯，所以揀左「叉燒糖心蛋伊勢海老豚骨湯拉麵」。拉麵一到，就聞到濃濃既蝦油香味，湯底濃郁到以至有漿口既感覺，雖然鮮味，但略嫌湯份量少，不能與拉麵同吃到尾；拉麵另外配有糖心蛋﹑簿片叉燒﹑迷你餃子﹑木耳同蔥花。題外話，落單後等待期間，枱面既餐筷﹑調味料都缺乏，應該係午市過後仍未補給，員工又貌似遊魂狀態，叫好幾聲先至緩緩回應一聲，再施施然補給物資，如此既工作態度真係有點兒那個…所以總括黎講，食物質素都還好，不過試一次都已經足夠，但員工態度方面真係有待改善！