Video
Read full review
2024-11-14
199 views
之前嚟過Eaton Hotel 呢度食 buffet，見到buffet上一層有food court，都幾多餐廳選擇，我哋決定得閒就嚟呢度逐間慢慢試。.今次我哋一出𨋢就見到呢間〈牛響度拌麵〉，個名幾特別，原來指「食牛嘅響導」，我老公鍾意食牛、我鍾意食拌麵，啱晒我哋。.我哋諗住每人一碗拌麵，再加一款小食share，但我哋低估咗個份量，原來係好大碗！真係食到好飽😆.我叫了豬頸肉熱拌麵，配蔥油醬汁；老公叫了沙茶牛三寶熱拌麵，配胡麻醬汁。呢度拌麵係用刀削麵，成條都好滑，唔會中間有部分特別硬。每碗麵都有青瓜絲、紅蘿蔔絲及半隻溏心蛋。.豬頸肉熱拌麵 —有8塊豬頸肉，每塊都爽口彈牙，燒到有脆邊，有炭燒香味；配搭的蔥油醬汁好濃好惹味，配豬頸肉好夾。.沙茶牛三寶熱拌麵 —牛三寶分別是金錢肚、牛筋、鹵牛面頰，全部份量都超多！.牛面頰有8塊！每一塊都有齊牛肉及筋膜位，有骨膠原的腍滑口感；牛筋有5塊，每塊都大大舊，好滑溜，有滿滿的骨膠原；金錢肚有6塊，唔韌，幾爽口。牛三寶全部都炆到好入味👍🏻.小食我哋叫了餐廳招牌〈炸邪惡鹵豬大腸〉份量都幾多，炸到邊好脆，內裡腍；用孜然粉調味，真係好惹味；有好多青瓜絲墊底唔怕「漏
.
今次我哋一出𨋢就見到呢間〈牛響度拌麵〉，個名幾特別，原來指「食牛嘅響導」，我老公鍾意食牛、我鍾意食拌麵，啱晒我哋。
.
我哋諗住每人一碗拌麵，再加一款小食share，但我哋低估咗個份量，原來係好大碗！真係食到好飽😆
.
我叫了豬頸肉熱拌麵，配蔥油醬汁；老公叫了沙茶牛三寶熱拌麵，配胡麻醬汁。
呢度拌麵係用刀削麵，成條都好滑，唔會中間有部分特別硬。
每碗麵都有青瓜絲、紅蘿蔔絲及半隻溏心蛋。
.
豬頸肉熱拌麵 —
有8塊豬頸肉，每塊都爽口彈牙，燒到有脆邊，有炭燒香味；
配搭的蔥油醬汁好濃好惹味，配豬頸肉好夾。
.
沙茶牛三寶熱拌麵 —
牛三寶分別是金錢肚、牛筋、鹵牛面頰，全部份量都超多！
.
牛面頰有8塊！每一塊都有齊牛肉及筋膜位，有骨膠原的腍滑口感；
牛筋有5塊，每塊都大大舊，好滑溜，有滿滿的骨膠原；
金錢肚有6塊，唔韌，幾爽口。牛三寶全部都炆到好入味👍🏻
.
小食我哋叫了餐廳招牌〈炸邪惡鹵豬大腸〉
份量都幾多，炸到邊好脆，內裡腍；
用孜然粉調味，真係好惹味；
有好多青瓜絲墊底唔怕「漏」。
.
我哋另外都叫了2杯飲品，分別是柳橙果冷泡茶及白桃果冷泡茶。清甜，唔會太甜，幾解膩；柳橙果冷泡茶更有粒粒橙肉，幾好飲。
Post
