悅滿軒

今年第一年同男朋友慶祝拍拖周年， 特登揀咗一間比較靚嘅法國餐廳同佢食餐好嘅！同男朋友上到去嘅時候， 驚喜嘅係有好多人喺度擺檔，見未夠鐘就同佢一齊行吓。順便買下野入到餐廳個環境都唔錯，裝修比較現代化，同外牆有強烈嘅對比，但環境都算舒適同寧靜。非常唔錯為咗有個滿足嘅周年紀念😏今次全部都係嗌我哋鍾意食嘅嘢👍🏻前菜🥗：香煎法國鵝肝配自家製鴨髀 花糖燴梨鵝肝煎得好香脆，口感外脆內軟，而且好Juice。完全冇膻味，鵝肝味好香。鴨髀嫩滑，唔會太韌，食落口仲可以保持到肉質鮮嫩嘅口感👍🏻燴梨清甜可口，中和返濃味嘅鵝肝同鴨肉👍🏻主菜🦀：香煎日本松葉蟹餅配金蘋果蓉 雞尾酒汁 蟹肉餅炸到金黃色。賣相非常吸引。口感非常香脆。味道非常重蟹肉味。完全食得出佢係用咗大量蟹肉去整嘅👍🏻佢個金蘋果蓉完全帶出咗蟹肉餅嘅鮮味。呢個男朋友食都讚不絕口主菜🦪：香辣蒜片蠔肉白酒意大利粉 蠔肉嫩滑飽滿，意粉蒜味濃郁，但唔會覆蓋左蠔肉同白酒嘅味道，連埋個意粉一齊食。加埋一齊食，完全可以食到唔同的層次感👍🏻男朋友表示，呢餐好滿意，因為每一樣都係佢鍾意食嘅嘢。之後有機會可以再黎食多次👍🏻