拍板小館 (Closed)

星期五晚上，當然要食好啲。少數唔收開瓶費嘅餐廳，當然要帶支酒黎開心share啦。邊飲酒，邊談天，氣氛食物都甚佳。生劏大斑兩味（例牌）（$288）兩味分別係翡翠炒斑球同果皮蒸頭腩，炒球夠鑊氣，啖啖肉；蒸頭腩，食材新鮮，陳皮嘅香味同頭腩嘅鮮配合得天衣無縫。拍薑生炒芥蘭遠（$68）芥蘭炒得又香又爽脆，加左薑汁更顯得芥蘭嘅鮮甜。滑蛋鮮蝦球炒河（$88）男人冇澱粉質落肚硬係唔安樂。呢碟炒河將滑蛋蝦仁同河粉一齊炒，原來係幾夾架喎。