多多雞大排檔

Open Now

Now Closed

多多雞大排檔是日放工入左元朗食大排檔，餐廳提供室內冷氣及室外露天雅座，因為怕熱，所以揀左坐室內😊😊柴燒秘製脆皮燒雞🍗🐔侍應原隻燒雞奉上，非常之打卡able，見到啲雞油一滴滴沿雞皮滑落，睇到都流口水。自己動手撕開啲雞肉黎食，甚有風味。入口皮脆肉嫩，雞皮脆口得有如食薯片一樣，雞肉仲好有肉汁，唔會燒到好乾，另外唔使點淮鹽都已經好夠味，不愧係招牌貨🤤🤤豉汁盤龍鱔(半條)✨🐟呢個餸唔係度度有得食，當然要叫黎試下。雖則半條份量但都非常大碟，上菜時顯現出蟠龍般既美態，肉質爽口彈牙又肥美，而豐腴魚脂在香濃既豉汁加持下，變得甘香而不膩，吃到厚厚既魚皮膠質😍😍沙爹金菇牛肉啫煲👅💯名副其實既啫啫煲，因為一上枱直程見到氣泡圍住煲邊啫啫作響，一開煲蓋，滿滿既粉絲同鮮嫩既牛肉片，再配上金菇、三色椒、芫茜，加埋濃濃既沙爹汁，絕對係送飯之選豬油渣炒芥蘭用豬油渣炒菜，都係第一次見。芥蘭香綠翠嫩，咬落爽脆，配上豬油渣，雖然有點邪惡，但食落非常甘香，平時聞"肪"喪膽既我，都忍唔住口食多幾條，真係絕對不能錯過🉐🉐可能因為夜市市況低迷，很多餐廳都更改營業時間，提早關門。晚間食肆選擇少，好味的選擇更少😥。真高興搵到這一間營業至凌