Eggslut

Open Now

Now Closed

Save低咗一段時間嘅Eggslut之前都未有機會試，今日去開銅鑼灣見唔洗點排隊就坐低試試。🔸招牌蛋薯蓉加法包最想試嘅就係呢個招牌薯蓉配法包🥖，🫙入面底層係幼滑嘅薯蓉，上面係流心蛋，配埋法蔥、海鹽調味，個人而言都幾咸吓。旁邊嘅法包未有翻熱或烘烤，又乾又靱而唔係法包應有嘅香脆🥲 薯蓉出色但被法包毁了，有啲失望。🔸招牌蛋薯蓉加法包🔸松露迷你薯餅薯餅細細粒聞落有微微松露香氣，不過似乎炸得唔係好透，咬落都幾油。🔸招牌炒滑蛋三文治🍔牛油軟包鬆軟帶牛油香🧈，入面有焦糖化咗嘅焦糖洋蔥好好味🧅，溶化咗嘅車打芝士🧀️，主角軟滑炒蛋有濃濃嘅雞蛋同牛油味🥚，有埋法蔥點輟，醬汁用是拉差蛋黃醬惹味得嚟又唔會蓋過炒蛋嘅味道🥪。試咗幾款招牌菜都唔錯，但唔好抱太大期望。份量做早餐一個包都足夠，（加埋油膩感🥲，所以要飲橙汁中和）男士就可能未必夠飽了。價錢略貴但可以一試。