Video
2-min walk from Exit E, Causeway Bay MTR Station
continue reading
Telephone
92249862
Additional Information
Walk-ins only
Opening Hours
Today
12:00 - 21:00
Mon - Sun
12:00 - 21:00
Above information is for reference only. Please check details with the restaurant.
今日同老公兩個人快食晚餐, 去左銅鑼灣依間美式過江龍Burger店叫左個Bacon, Egg & Cheese Sandwich, Duo Fish Sandwich同Truffle Hashbrown煙肉蛋芝士三文治用左佢地自家製既牛油麵包夾左蘋果木燻煙肉、半熟煎蛋、辣椒蕃茄醬、車打芝士, 賣相靚仔之餘, 食落去口感相當豐富, 煙肉唔會過份乾身, 依然食到軟熟口感, 半熟煎蛋仲有蛋汁不斷湧出, 佢地個自家製牛油麵包好軟熟好重牛油香味, 唔會太過heavy又食到整個包既豐富口感雙重炸比目魚三文治係厚切魚柳, 外層炸粉好薄脆, 食落魚味好濃郁又嫩滑, 一啲都唔腥, 連埋軟熟牛油麵包食好夾, 超大推!松露迷你薯餅原來係用左鴨油、松露、迷迭香鹽溝埋係迷你薯餅入面, 入口酥脆可口, 薯味突出, 食到陣陣松露香氣又唔會過份蓋左薯餅原有味道, 本身叫左六件都唔夠食, 叫夠十件先至滿足啊!另外仲叫左杯Yuzu Soda同White Peach Soda, 味道正常發揮, 唔會過甜又唔會過淡, 解膩一流!
continue reading
Eggslut📍銅鑼灣記利佐治街11-19號及百德新街27-47號Fashion Walk地下2號舖及1樓F-1號舖難得老豆入嚟港島，我終於都有機會帶佢行下佢最愛嘅donki，睇下銅鑼灣喺收工時間嘅墟冚。行完街，由老豆話事，決定晚餐食咩，佢隨手一指就揀咗一間我bookmark咗好耐，但遲遲都未有動力去食嘅美式三文治店 Eggslut。Eggslut嘅sandwich可以同大家心目中嘅「三文治」唔同，外表實實在在就係一個burger，點解會叫sandwich呢？實情係因為喺美國飲食文化中，可以自由搭配餡料嘅都算係sandwich，所以較多人認識嘅潛艇堡英文其實都係叫sandwich㗎。Eggslut源自美國路邊food truck，特選Brioche buns（自家製奶油麵包）配搭紐西蘭走地雞產蛋，製作多款含蛋sandwich，所以雞蛋先至會成為呢個品牌嘅gimmick同招牌！ 💰$78Bacon, Egg & Cheese Sandwich 🥓老豆話要揀個最classic嘅，有咩classic得過美國人最愛嘅煙肉芝士蛋組合？Eggslut用料上乘，烤煙肉經蘋果木燻過，脆口得嚟唔會乾柴，而且無油淋淋、肥膩嘅感覺，細嚼後留有蘋果木嘅餘香。醬汁同樣唔馬虎，以chipotle ketchup代替一般茄汁，甜甜辣辣，好開胃。煎半熟蛋同cheddar cheese為呢個sandwich加添濕潤、口感同鹹香，配上鬆軟兼有奶油香嘅麵包一齊食，真係一大享受！ 💰$92Duo Fish Sandwich 🐟至於我呢就揀咗最特別嘅Duo Fish Sandwich，唔好睇佢好似平平無奇嘅一個魚柳包，其實佢淨係size已經跑贏半條街。炸比目魚扒夠厚身、炸皮夠香脆，加上佢嘅秘製蛋白三文魚醬、Cheddar cheese同pickles，兩種魚肉帶嚟雙重滋味，係蛋類三文治以外嘅好選擇！刻意放一張咬咗幾啖嘅相，俾大家睇下Eggslut嘅麵包係幾有空氣感、幾高質，同時可以睇到比目魚一疏疏魚肉同三文魚醬有幾吸引。最欣賞佢哋嘅pickles，唔會一味得個酸字，味道正宗，夾炸物食最能解去油膩感。 💰$40Crispy Chicken Bites 🐓小食老豆揀咗一份炸雞粒，雞肉本身已有適量調味，肉質偏嫩有少少肉汁，淨食已不錯。但叫得呢個小食，又點可以miss咗佢嘅美味醬？Blue Cheese Ranch、Super Garlic同Cajun三款口味任君選擇，加多一款都只係+5，超讚！我哋揀嘅Super Garlic sauce蒜味勁香勁濃，下次等我再挑戰一下其他口味！ 💰$28Yuzu Soda 🍊柚子甜香，味道清新，非常夠汔，邊食邊飲，一個字，爽！ 💰$28Peach Soda 🍑 白桃梳打同樣香甜、夠汔，白桃香氣撲鼻，不妨一試。
continue reading
💡熊妹其實好鐘意食漢堡🍔，美國大型漢堡連鎖店《Eggslut》侵襲香港都好一段時間，今日終於同樹熊有空來拜訪一下。📌地點非常方便，就係銅鑼灣地鐵站E出口🚇隔離的名店坊門口地下及一樓。如果餐廳地下門口入就要行樓梯上一樓先係樓上雅座，或者撘附近的電梯上一樓就唔洗行樓梯喇。📌快餐店形式，兩個大廳自己揀位自己坐，直接到counter叫餐，等號碼器🧿響起就可以去取餐。Duo Fish Sandwich，$92熊妹試下炸魚柳包先。好厚實一塊炸魚柳🐟，加入千島醬汁同酸瓜🥒最夾，魚柳無雪藏味，奶油麵包🍞好厚一塊，大大個包，食落好飽肚。Bacon, Egg & Cheese Sandwich，$78樹熊就試左個煙肉蛋芝士漢堡，煙肉🥓肥瘦均勻，煎到好脆口，鹹鹹地同埋車打芝士🧀鹹香味互相輝映，仲有一隻流心蛋🍳，蛋黃流出來濕潤了所有材料，內裡用上茄汁🥫，酸甜味又減煙肉油膩，各方面配撘都不錯。Crispy Chicken Bites，$40一客炸雞粒有6、7粒，揀了蒜蓉醬super garlic🧄，好濃味，鋪滿麵包糠炸法，內裡雞肉紥實，小食唔錯選擇。Orange Juice，$37Yuzu Soda，$28📌《Eggslut》主打招牌係炒蛋漢堡，仲有煙肉蛋、雞肉腸、芝士漢堡、三角脊排等等，仲有小食炸雞粒、松露迷你薯餅同薯蓉法包。📌兩個人加埋都唔洗三百，銅鑼灣地段，價錢非常合理。
continue reading
介紹返💁🏻♀️。。🇺🇸 Burger / Sandwich? 在 銅鑼灣 🇺🇸。Eggslut。Fashion Walk地下2號舖及1樓F-1號舖。Bacon Egg & Cheese Sandwich煙肉蛋芝士三文治。HKD78Duo Fish Sandwich 雙重炸比目魚三文治。HKD92Crispy Chicken Bites 脆炸雞粒。HKD40ONE Sauce included / +HKD5 for EXTRA Sauce- Cajun Dip 香辣卡津醬 / - Blue Cheese Ranch 藍芝士醬 /- Super Garlic 蒜味醬Peach Soda / Yuzu Soda / Pineapple Soda。HKD28 @ Each 🤫 早兩日同飯腳BB過銅鑼灣睇戲..終於把握到呢個機會上去食吓Eggslut..講話上去嘅原因係..間餐廳正門係喺Fashion Walk地面..不過個Body就要行上樓上嘅🤣上到去你會立即見到Eggslut非常之型格嘅黑色Open Kitchen連佢哋嘅收銀..然後左右兩邊就係灰色水泥牆配淺木色嘅桌椅嘅Eating Area🤫 同一般嘅美式快餐一樣..呢度都係埋Counter落Order俾錢然後拎住個震震機去搵位..等嘢食有嘅時候就出返去Counter自己攞嘢食..相當Causal相當Free🤫 我哋叫咗一人一個Sandwich再加一份炸雞粒粒Share食..飯腳B就話要試吓人哋最Traditional最Basic嗰個煙肉芝士蛋Sandwich睇吓係咪真係咁值得啲人蜂擁而至喎😏又真心..Sandwich上手..賣相係高分嘅..雖然芝士蛋同煙好豐盛咁樣爆曬出嚟..但又保持到靚靚囝囝井井有條..廚師們應該都花嗰啲心機..一啖咬落去..太陽蛋爆漿..再加埋香脆得嚟帶有淡淡煙熏味嘅煙肉..仲有嗰塊半溶狀態嘅Cheddar Cheese..味道相當之迷人..成件事真係好夾嘅..而個人覺得好似Burger嘅呢一個鬆軟麵包絕對係加分位👍🏻(利申..我淨係搶咗飯腳仔一啖嚟試吓㗎咋🤪其餘嗰啲..佢用迅雷不及掩耳嘅時間已經隊晒入口..驚死我搶食咁樣🥲)🤫 至於我自己揀嘅就勁啦～我要咗個唔係Basic Menu搵到嘅..唔知係咪期間限定嘅Duo Fish Sandwich..向見呢一嚿巨型魚柳包入邊嘅炸比目魚柳顏色相當之深..心諗會唔會因為二重炸而變得非常之油膩呢..點知又唔會喎😲魚柳炸得好乾身..但係個脆口度真係Double上..咬落去真係索索聲㗎🤤而呢個Sandwich除咗塊魚柳相當出眾之外..其實佢嗰個蛋白三文魚醬絕對值得我Highlight..呢個Sauce同Tartar Sauce有異曲同工之妙..但係就更加帶出有一種三文魚獨有嘅香味..而且食到唔少蛋白粒粒..簡直係為份Samdwich畫龍點睛唔係講笑..三文治中間仲有三兩片爽口唔算話太酸嘅酸瓜陪襯住..成個口感相當之唔錯..雖然價錢貴就貴咗啲..但係個人覺得可以🫶🏻🤫 至於個小食..Chicken Bites又係炸得非常之香脆嘅..咬開嚟雞肉仲係Keep到好Juicy水嫩..不過我哋兩個最鍾意都莫過嗰個Super Garlic Sauce..個醬表面睇唔出佢係勁蒜..睇落反而有少少似Truffle沙律醬..不過唔點又只可..一點就不得了..嗰個蒜味超級濃仲有蒜蓉獨有嗰種微微辣味..非常刺激..簡直係每一啖炸雞都要點一口醬先至安樂～Btw..炸雞粒粒大概七八粒..同個價錢都算係正比嘅🤫 食啲咁香脆熱氣嘅嘢點可能唔飲返杯爽歪歪嘅嘢飲呢？可樂雪碧咖啡橙汁呢啲實在太普通啦..所以我哋一人叫咗一杯梳打..我嘅白桃梳打同飯腳仔嘅柚子梳打味道都OK..正常水準啦🤫 個人有個少少位嘅欣賞嘅..就係雖然呢間快餐店位置唔肯洗手間..但係佢哋都為咗客人着想喺舖頭入邊有一部洗手機方便大家食完嘢輕輕洗一洗..兼且大部份餐桌枱面都有大大盒嘅紙巾俾大家享用..呢啲細心位..個人覺得都值得讚賞嘅..仲有就係快餐店入邊嘅Stuffs執枱都執得好快而且抹得好乾淨..價錢貴啲服務都係會好啲..呢啲都係正比嘅～。。翻兜指數：🙆🏻♀️🙆🏻♀️🙆🏻♀️（5個🙆🏻♀️為翻兜爆燈）。。
continue reading
今日為大家介紹一間美國三文治漢堡專門店「EggSult」，出色既地方係麵包會用上Brioche Bun（即係奶油麵包），輕輕烘烤，外表呈金黃色，表面外皮薄而酥脆，但咬落新鮮熱辣內裡輕軟蓬鬆，真係鬆軟得黎仲帶有牛油香，甜甜地幾好味，咁邪惡怪不得小編會忍唔住一啖又一啖放入口啦。😛🐠 Duo Fish Sandwich ($92)炸比目魚三文治魚肉夠厚，魚肉外層脆皮炸到金黃焦香，就算係經油炸後，魚肉依然保持到嫩滑多汁，配埋三文魚醬及酸瓜既配搭，層次豐富口感一流，好快就俾小編食哂lu。🥪 Bacon Egg & Cheese Sandwich ($78)呢款芝士蛋煙肉漢堡包，先咬開半熟蛋，流心蛋汁滲入麵包中，加上煙肉煎到香脆帶鹹香，夾埋芝士一啖放入口，果然色香味俱全。🥔 Truffle Hashbrown ($33)松露薯餅必食推介，用左鴨油油炸，再加左松露及迷迭香既調味，每一塊迷你薯餅都炸到金黃色，真正外脆內裏仲咬到粒粒薯粒，真係回味無窮，對於鍾意食既朋友仔終於可以全天侯都食到薯餅啦！😈🍹 Yuzu soda & Peach Soda ($28)梳打分別加有柚子或白桃，兩者都清新香甜飲落消暑一流，食完burger 飲返啖真係爽阿。😌
continue reading