祥興記上海生煎包 (Closed)

今日經過祥興記，首先被生煎包的圖片所吸引，寫住皮薄、多汁、餡鮮、底脆……食落真係無得嘆，完全符合佢所講既的咁樣，外型就好似小丸子，賣相不大，但份量十足，外層包住的皮真係好薄，薄到一張紙，面頭舖上少少芝麻，食落去有陣陣的香，之係精粹就係裡面包個餡度，大大件肉，肉質彈口，質感的實度拿掐得剛剛好，再加上爆晒出黎的肉汁，保留返肉的鮮甜係度，咬第一啖，就已經不得了，啖啖肉，豐富左我成個口。單叫生煎包的不好，還要搭一碗湯，我就揀左上海雙檔，朋友就點左咖喱牛肉粉絲湯，風味十足，足料之餘，味道特別，有陣不明來歷的香料，好似不能說的秘方，裡面都有粉絲做主角，再經過老火湯煲過，就好入味。之後再黎多杯玉米汁同烏梅汁，涷冰冰咁，爽！