祥興記上海生煎包 (Closed)

兩月前路過此店，已想試這裏的生煎包，雖然人不多，惟剛吃過飯，還是留有以待，及後，得知獲米芝蓮之殊榮，想必引來群眾之「擁戴」。這天與同事路過，大家都想一親其香澤，但今非昔比，果然捧場者眾，遂買兩客外賣，然而，僧多粥少，煎鍋排得滿滿的包，很快便賣光，又要等煎另一鍋，煎好也要十多分鐘，結果等了二十分鐘才拿到。包子用盒子盛著，像老麥的產品，包子的底部煎得頗香脆，皮不厚，咬開後有很多肉汁，肉餡味調得不錯，包面有幾粒黑芝麻，令包子不致太單調。很多食肆得了米芝蓮之推介，店子受關注的程度高了，連租金也相應大幅調高了，結果捱不下去，或結業，或搬遷，情非所已！

居於荃灣多年，BeautySearch 路經川龍街時，間中也會來到一家賣上海生煎包的小店「祥興記上海生煎包」。這動作，早已成了習慣！其實，平時在這裡買生煎包，雖然只是外賣，但平均都要等10至20分鐘；不過，早前就要等上半個鐘以上... 為何？因為「祥興記上海生煎包」這小店，被選為美芝蓮推介的街頭小食之一。最重要的是，無良的業主，竟因為店子取得美芝蓮推介，而急遽把租金提升... 結果，迫走了這小店！2015年12月27日是小店在荃灣區的最後日子，所以，BeautySearch 也襯這假期多惠顧幾趟。好多人和事，習慣了便不被重視，數年來，BeautySearch 都習慣了途經小店時便買一盒生煎包回家吃，又或到蝦子餅的補習社去享用，卻沒有留意，由何時起「祥興記上海生煎包」的外賣盒由發泡膠轉了紙盒，而且還印了精美的圖案。一小盒有4件，BeautySearch 也習慣了每次也買4件。生煎包表面散滿了黑白芝麻，令包子更為香口；而另一面煎得金黃，非常脆口卻沒有半點燶的感覺。咬開時，除了看到內裡鮮嫩的豬肉，而且肥肉不多，非常爽口；同時，還可發現，包子的外皮非常簿，這亦是BeautySearch 喜歡這

識食就梗係嚟呢度食。底煎至金黃脆一咬爆湯汁，我會先咬開塊皮然後慢慢啜肉味鮮濃，冇嚟成年都仲keep到生煎包，呢度始終係我嘅至愛假日2-6pm都有下午茶，$32／4粒連豆漿平時單買就$28／4粒豆漿出面閒閒哋都賣緊$10杯所以都幾抵！**注意，裡面的湯汁是熱辣辣的，小心燙口堂食有最低消費，每人$20**另, 之前已食過佢個粉絲, 麻麻地

2016年版本的米芝蓮, 最大的爭議點, 相信是加入了街頭小吃的推介, 不少報導就說成是死亡之吻. 而祥興記上海生煎包, 就因為米芝蓮光環遭業主大幅加租, 最後要另覓鋪位再戰江湖. 當然, 祥興記本身有四家分店, 而且荃灣元祖店也會在尖沙咀新鋪繼續營業, 咦, 好像升呢了!趁這家入圍的荃灣店尚在營業, 是日就來一試這裡的生煎包. 二時許來到, 人客不少, 等外賣的人更多, 不過我一個人還能夠找到空位. 其實沒有位的話, 也可以在外面的位置立食, 哈哈, 這才真是街頭小吃嘛.這是下午茶的時段, 那當然吃下午茶餐. 生煎包原價$28, 下午茶餐連飲品$32, 也算經濟.原味豆漿: 8分, 原味豆漿, 甜味相當輕, 反而帶不俗的豆香, 吃生煎包配豆漿, 合情合理.招牌生煎包 $28: 8.5分, 雖然不用等位, 但生煎包還是要等, 而且是有排等, 等了接近二十分鐘先有得食. 一客四隻, 份量不算太多, 一個人吃四隻也無問題.吃的時候要相當小心, 因為真的做到爆汁的效果, 一咬開, 就能夠感受那滿滿的湯汁, 而且皮是相當薄身, 包底香脆, 肉餡亦有鮮味, 最重要是剛剛出爐, 熱辣辣的, 當然好

祥興記未攞米豬蓮之前，每次去荃灣離遠經過呢間鋪頭都想試下生煎包，因為鋪面感覺有d舊，呢d年頭仍然趷立不倒一定有佢嘅原因! 知道佢被瘋狂加租就黎搬，所以冒住要等好耐既險，都要趁佢搬之前試試! 呢日星期六下晝黎真係人頭湧湧，等左20分鐘左右終於到我嘅外賣! 雖然我搭小巴返黃大仙差唔多要25分鐘，但回家後仍然可以感受到佢嘅新鮮滾熱辣! 首先咬一個洞洞...吮哂入面嘅湯汁，呢個湯汁真係無得頂! 完全充滿咗成隻生煎包，而且味道鮮甜濃郁，連豬肉入面都有湯! 自隊4隻都唔覺得漏!因為買得太多，留咗一盒第二日食，雖然隔咗一晚又用光波爐焗過，但湯汁仍然非常多，同即日食嘅相差無幾! 真係想再食! 我覺得呢個係香港最好味嘅生煎包，呢間鋪好似要搬去尖沙咀，到時可能仲多人幫襯，好想再食多次呢!

見到open rice 列出2016米芝蓮餐廳，我同hubby續一尋訪。今晚來到荃灣尋找這小店食生煎包。遠處已見人龍，確定無搵錯地方。這小店是先排隊付款再入座。店舖十分擁擠，是肩並肩，背貼背而坐 。套餐只需40元，包凍飲，粉絲湯和生煎包兩個，好抵食。咖哩粉𢇁湯：有兩片牛肉，牛肉軟林；有豆腐卜：索囇D湯汁，無油「益」味，很軟；粉絲：正常，無斷無碎；湯：像咖喱粉加在粉絲湯內，微辣，無乜咖哩香，有D嗆喉。 蘿蔔粉絲湯（18蚊）：有少量蘿蔔，同兩塊開邊豆卜，蘿蔔有點硬，唔甜，湯好清，好淡，有少少咸味，蘿蔔味唔突出。 生煎包：28元4個。有脆脆底皮，飽皮好薄，饀料是碎肉饀，一咬有肉汁溢出，是小籠包的進化版加脆皮底。雖然這生煎包和上海傳統帶甜皮較厚的生煎包有所不同。但此港版生煎包的改良也非常不錯，更多汁，皮更薄，相對饀料比飽皮多，更多肉味。

生煎包1客4粒 hkd28底層煎得金黃香脆，皮算薄，餡料豐富肉汁一咬下去便溢出來，灑滿蔥花和芝麻，更有風味！不過記得等一陣先食因為即叫即製關係會非常燙口所以唔好心急食!

我覺得這家店的生煎皮子做的相當的好，可以和地道的上海媲美甚至更好.美中不足的是上海的生煎更甜一些，肉餡是剁的的更碎的.湯汁更濃稠。所以我覺得這家生煎還是更偏向香港人的口味。為何不更上海化些？讓大家都嚐嚐上海的味道

特色套餐 (2個生煎包+自選粉絲湯+飲品) ($40)// 下午茶套餐(4個生煎包+飲品) ($32)最新一期的米芝蓮”車軑人”推介新鮮出爐，這次就迎合這股熱潮，介紹一下這間得獎小店。坐落在荃灣街市街與大河道的交界不遠處，在老字號標記的旁邊，有著這間以灰色為主調的小店。門外有幾個吧台座位，店內座位不多，兼顧著外賣和堂食的需求。從門外的招牌可見，一目了然的主打- 生煎包，還配著”皮薄，多汁，餡鮮，底脆” 的描述，倆口子當然要一試其虛實吧。從門外的餐牌下午茶套餐($32)，4個生煎包外，更配上飲品，而特色套餐($40)則有2個生煎包，配上自選粉絲湯，份量不少，而且價錢也頗為合理。我們倆口子於是先在門外各點了一個套餐，粉絲湯則選了咖哩牛肉粉絲湯，配以酸梅湯和金桔汁，再進內進食，看來所叫的份量正合下午茶時間的口胃。生煎包很快就送上了。合共六個的生煎包，較為方形的形狀很具特色，表皮亦都煎成啡啡的，上面沾以黑白芝麻和蔥花，上台時還是熱騰騰的。將生煎包翻轉，然後咬下去，的確是很脆的表皮，而且有著煎香的味道。當牙齒咬過外皮後，包內的肉汁就隨之湧出，真是”爆汁”，而且汁都來得很熱，要小心燙口！至於肉質也

本來係附近等食dinner，等左d 時間，太餓，只好去食個米芝蓮生煎包XD睇落就似水餃同個中式包既mixture。食落上面就好似餃子皮咁，軟林林，仲有d 芝麻係面咁。一咬既時候切記要溫柔，切記！唔係就會bit 到周圍都係汁，整到周圍都係。入面d 肉汁真係多到我飲唔哂，好好食。之後係舊肉仲要好林林，一d 都唔un。食到落最底，就係一個煎脆左既包底。食落好脆口，又夠新鮮熱辣。總之咬落去成個過程就係：芝麻同軟水餃皮，肉汁加豬肉團，最後到生煎底。成個過程好正好享受，真係食完一個又想食第二個。價錢都好經濟，好想再食多次

身為荃灣友，佢未攞米豬蓮之前已食過好幾次，而且我有理由相信個小食組評委內一定有荃灣街坊，因為荃灣總共有三間上榜，除咗呢間外仲有榮安同千色車仔麵，榮安都叫合理啲，千色真係長期拍烏蠅極唔起眼，咁都上榜真係非常有可疑。 講返祥興，區外朋友嚟荃灣必食，生煎包四隻$28，其實唔平，而且又唔夠一餐。佢有個$40餐兩隻生煎包+粉絲湯+飲品，夠一餐，但粉絲湯極一般，嚟幫襯都係為生煎包，得兩隻又到喉唔到肺。所以我個女仔朋友食完個餐再要追加四隻，成$68落樓，真係仲貴過去飲餐茶。攞咗米豬後，感覺多咗人慕名而來，包括鄰國遊客，唔知係咪因為突然響朵，啲服務反而比之前好咗，啲阿姐客氣咗。但生煎包無以前咁新鮮熱辣，不過仍然係我食過最好味嘅生煎包。啲位窄得無可再窄，感覺好唔舒服，食完即走。

友人介紹之下決定去試一試，去到才知道米之蓮一星，難怪那麼多人排隊，不過也很快，座位迫迫的，像澳牛一樣，吃完就要走。生煎包皮薄 底脆 汁都算多，不過跟正宗上海的，還有點距離，但不過不失吧！餐牌上食物不多，我想應該主要賣生煎包為主，下午三點去，上海雲吞都已售罄了。

按住朋友仔的推介，找到此店。在門外見款式不多，但知道這個生煎包好出名。回來看，盒面的圖案幾靚，打開後，個包還是好熱的。還有一杯仔醋附上。個包多汁，皮脆，食完一個想食多個。。令人回味。

生煎包 $28/4個祥興記，岩岩得到車軚人推介小食店，提醒我地係時候又幫襯下，住得近，中意幾時食都得，好幸福呢度既生煎包係必食 ,我地今次外賣，行左幾個圈買完野先揾個地方企響度食，仲擔心個底會林左..點知一咬落去仲係超級脆，仲係熱辣辣，正如店門上面寫"皮薄 多汁 肉鮮 底脆",唉落去果下完全係爆汁，真係要好小心食~~~廿八蚊四個好抵食，但係其實食到第二個已經好漏，所以少食多滋味啊

本來已經出名，米芝蓮推介埋就更加多人。但呢間鋪勝在 turnover 快， 好似澳牛一樣，條龍好快就消化晒。先買食物後入座，1pm 去到等左 5 分鐘左右就有位坐。今次叫左個特色餐，每個餐有兩粒生煎包、一碗上海雙檔 （麵筋+百葉包配上粉絲湯）加一杯飲品。烏梅汁酸酸甜甜好開胃，比起豆漿成為一個特別少少既選擇。好中意食上海雙檔，入面個百葉包同麵筋都係有包住肉，湯味鮮甜，清清地但出奇地滿足。個生煎包認真不得了，我建議用食小籠包既方法，先係上面開一小洞，食到芝麻香又可以吸啜湯汁，再加啲醋入去飲埋剩底既湯。生煎包底部厚，煎脆左好香口，配埋裡面粒肉丸同上層既軟皮，口感三重奏而且味道濃郁，極上體驗！