Video
Read full review
2022-09-03
1641 views
天氣開始涼涼地嘅時候，朋友就約我行山，仲話行完山之後可以有好嘢食，惠食嘅我就聽到有好嘢食就即應承咗。到咗出發當日先知原來係行鴨脷洲嘅玉桂山，嚟得鴨脷洲我就即刻諗起之前食過間好好食嘅泰國餐廳，朋友就話估啱一半係有泰國菜食。終於行完個山可以食嘢，朋友帶我嚟到一個超陌生得來又有熟悉嘅感覺就係鴨脷洲邨，人生真係第一次嚟呢條邨，不過呢條邨就好似細個時住過嘅屋邨，呢種邨而家係越嚟越少。一路行仲以為朋友玩嘢帶我去街市嘅熟食檔求其食，原來入到街市有架𨋢上平台，一上到平台就發現到有我鍾意嘅海鮮，睇到流晒口水！睇完餐單一輪，就揀咗隻白胡椒炒蟹、孖寶嘅咖哩炒花甲皇&馬拉盞炒通菜、蒜蓉包同冬瓜盅。冬瓜盅雖然做緊特價，但竟然係大大個盅，開頭仲想叫多個泰式乾炒海鮮河，但啱啱個盅嚟到時即刻截住朋友叫佢唔好落單，否則我諗要搵多兩個朋友嚟一齊食。冬瓜盅入面都幾多配料，除一般嘅肉之外，仲有帶子、蟹肉同蟹柳。味道都幾清甜。咖哩炒花甲嘅花甲皇果然係皇，每一隻都好大隻，仲好鮮甜；而我哋仲為咗個咖哩汁仲叫咗份蒜蓉包嚟一齊食。馬拉盞炒通菜未食都已經覺得好夠鑊氣，超香馬拉盞嘅味，食落仲更加無得頂，超香濃嘅味道，配飯食真係一流！最後係
終於行完個山可以食嘢，朋友帶我嚟到一個超陌生得來又有熟悉嘅感覺就係鴨脷洲邨，人生真係第一次嚟呢條邨，不過呢條邨就好似細個時住過嘅屋邨，呢種邨而家係越嚟越少。
一路行仲以為朋友玩嘢帶我去街市嘅熟食檔求其食，原來入到街市有架𨋢上平台，一上到平台就發現到有我鍾意嘅海鮮，睇到流晒口水！
睇完餐單一輪，就揀咗隻白胡椒炒蟹、孖寶嘅咖哩炒花甲皇&馬拉盞炒通菜、蒜蓉包同冬瓜盅。
冬瓜盅雖然做緊特價，但竟然係大大個盅，開頭仲想叫多個泰式乾炒海鮮河，但啱啱個盅嚟到時即刻截住朋友叫佢唔好落單，否則我諗要搵多兩個朋友嚟一齊食。冬瓜盅入面都幾多配料，除一般嘅肉之外，仲有帶子、蟹肉同蟹柳。味道都幾清甜。
咖哩炒花甲嘅花甲皇果然係皇，每一隻都好大隻，仲好鮮甜；而我哋仲為咗個咖哩汁仲叫咗份蒜蓉包嚟一齊食。
馬拉盞炒通菜未食都已經覺得好夠鑊氣，超香馬拉盞嘅味，食落仲更加無得頂，超香濃嘅味道，配飯食真係一流！
最後係主角招牌白胡椒蟹，呢度嘅招牌白胡椒蟹係用鐵板上，嚟到仲會淋上白胡椒汁，一淋落個鐵版後，白胡椒嘅香味即刻擁晒出嚟！蟹身啖啖肉超嫩滑，而蟹鉗真係好大隻，完全無可能一啖食哂隻蟹鉗，真係好食到即刻再約第二班朋友擇日嚟食過！
Post
