Video
Read full review
2023-02-21
31 views
-身為香港人一年四季都可以打邊爐🍲我同男朋友去街都經常會打邊爐😂今次去咗一間喺社交平台好多人介紹嘅餐廳嘢食又高質，坐得又舒服💕/▫️日式和風蕃茄沙律$48▫️一嚟到已經好吸睛，每片蕃茄切得超薄驟眼睇一碟都已經足足一個蕃茄份量醬汁用咗日本醋，再加上蒜蓉同蔥花日式口味之餘，又不失帶點中菜風🤤/▫️胡椒豬肚花膠雞鍋$288▫️打邊爐前可以飲一碗湯，食件豬肚先湯底未加任何嘢已經好重胡椒味夠晒濃郁又暖胃🥰花膠同雞係另上，花膠好厚好大件就算留返最後先食，都唔會煲到溶晒雞件嘅份量都好多，想食嗰時先落肉質可以自己控制到嫩滑程度👍🏻/▫️胡爐牛拼盤$398(牛舌芯、安格斯手切肥牛、極上手切牛頸脊、牛胸爽、霜降牛粒)▫️叫拼盤嘅好處係可以一次過試晒咁多個部位😋每款牛肉質地、牛味濃郁程度都唔同一塊牛舌芯合拼咗牛舌質地同牛肉質地牛頸脊同肥牛嘅牛味最濃郁霜降牛粒肥瘦均勻，充滿油香我個人最中意食牛胸爽，質地好爽口彈牙一般街外餐廳供應都好限量係成日都會食唔到嘅其中一個部位🥹/▫️丸類拼盤(手打香茜炸菜牛丸、黑松露墨魚丸、芝心蝦丸、梅菜豬肉丸)▫️打邊爐其實我好中意食丸類😂呢間嘅丸係絕對值得大家一試‼️每款丸類味道好出眾，基本上係一試
身為香港人一年四季都可以打邊爐🍲
我同男朋友去街都經常會打邊爐😂
今次去咗一間喺社交平台好多人介紹嘅餐廳
嘢食又高質，坐得又舒服💕
/
▫️日式和風蕃茄沙律$48▫️
一嚟到已經好吸睛，每片蕃茄切得超薄
驟眼睇一碟都已經足足一個蕃茄份量
醬汁用咗日本醋，再加上蒜蓉同蔥花
日式口味之餘，又不失帶點中菜風🤤
/
▫️胡椒豬肚花膠雞鍋$288▫️
打邊爐前可以飲一碗湯，食件豬肚先
湯底未加任何嘢已經好重胡椒味
夠晒濃郁又暖胃🥰
花膠同雞係另上，花膠好厚好大件
就算留返最後先食，都唔會煲到溶晒
雞件嘅份量都好多，想食嗰時先落
肉質可以自己控制到嫩滑程度👍🏻
/
▫️胡爐牛拼盤$398(牛舌芯、安格斯手切肥牛、極上手切牛頸脊、牛胸爽、霜降牛粒)▫️
叫拼盤嘅好處係可以一次過試晒咁多個部位😋
每款牛肉質地、牛味濃郁程度都唔同
一塊牛舌芯合拼咗牛舌質地同牛肉質地
牛頸脊同肥牛嘅牛味最濃郁
霜降牛粒肥瘦均勻，充滿油香
我個人最中意食牛胸爽，質地好爽口彈牙
一般街外餐廳供應都好限量
係成日都會食唔到嘅其中一個部位🥹
/
▫️丸類拼盤(手打香茜炸菜牛丸、黑松露墨魚丸、芝心蝦丸、梅菜豬肉丸)▫️
打邊爐其實我好中意食丸類😂
呢間嘅丸係絕對值得大家一試‼️
每款丸類味道好出眾，基本上係一試難忘嘅味道
加上街外餐廳好少食到
/
手打香茜炸菜牛丸同埋梅菜豬肉丸
肉味同菜味味道好夾
而我最推介大家食嘅係黑松露墨魚丸同芝心蝦丸
中意食黑松露嘅朋友一定鍾意！
每一啖都充滿黑松露味，配合爽口墨魚丸
而中意食芝士嘅朋友，一定要試芝心蝦丸
佢啲款芝士係會爆漿，配合彈牙蝦丸夠晒大滿足🤤
/
▫️餃類拼盤(黑松露蟹肉餃、手工雲吞、自家制韮菜餃)▫️
除咗丸類之外，打邊爐其實我仲好鍾意食餃類😂
手工雲吞同埋自家製韭菜餃，好有媽媽嘅味道🤤
每粒形狀唔同，一睇就知係人手包製
而黑松露蟹肉餃係必試‼️
黑松露味比起黑松露丸更濃郁
每一啖都更加衝擊味蕾🥰
身為黑松露控嘅我每啖都食得好開心💕
/
▫️蔬菜拼盤$63(娃娃菜、生菜、油麥菜)▫️
熱門嘅蔬菜都有齊🥬
湯底唔油膩，食菜唔會吸油😋
最後食埋菜夠飽肚之餘，仲可以減輕肉類油膩感
/
一大班人打邊爐絕對推介呢間🍲
㊙️餐廳內有幾個包廂，私隱度up‼️訂位嗰時記得同店員講聲😘
Post
