文華餅店

Open Now

Now Closed

對上一次食文華嘅餅已經係兩年半前，友人帶番公司嘅散水餅，當刻係被佢地嘅包裝驚豔到，一個可以四邊打開嘅硬盒，磁石封口，輕鬆可以拎出蛋糕。味道唔會話好大驚喜，勝在四平八穩，唔會出錯。週日嘅文華滿滿人流，嘆茶為主，黎到餅房呢邊一樣咁多人。餅櫃中款式唔算好多，芝士餅、綠茶蛋糕、朱古力蛋糕等口味，定價$48-52，賣相經典平實揀選兩件，店員好快幫我地包裝好，兩件都一樣有呢個咁優雅嘅包裝盒，即使唔係送禮都可以保留再用。而且好細心，以膠紙輕輕固定蛋糕底，又提醒要盡快食用。1963文華芝士餅 $48招牌芝士餅造型簡約，以忌廉、白朱古力點綴，蛋糕冰涼軟滑到不得了，芝味醇厚，唔算最濃郁，入口不膩Opera $48相對黎講比較普通嘅歌劇院，深藍色朱古力醬面頭加有小嘅珍珠，忌廉、蛋糕、朱古力漿之間嘅層次唔算好鮮明。幸好甜度唔高，加埋薄薄脆口嘅餅底，都不錯吃。