Video
Read full review
2023-02-02
2356 views
好耐之前去過呢間食點心小菜，原來依加仲有埋川菜食，咁就要試下啦。店內樓底夠高，燈火柔和，裝修風格比人一種高雅感。呢度嘅烤魚有3款唔同煮法，分別為招牌酸菜/麻辣/香辣豆花，魚類就有青江魚/江團魚選擇第一次食就點咗客招牌酸菜烤魚，青江魚 ($348)，仲配埋其他配菜:紅薯粉 ($18) 娃娃菜 ($18) 鮮豆腐 ($18) 腐竹 ($18)全程用個爐慶住食，條青江魚都佔領咗一半位置，仲有其他配料如椰菜，木耳，大豆芽，金菇菜及酸菜。辣度任選，呢個辣椒份量係小辣。魚先煎香再放入湯內，煎香咗嘅魚係我至愛，見到都心心眼睇下幾咁厚肉，預先開邊再起咗條主骨，無細骨啖啖肉，岩晒懶人食魚。肉質幾嫩滑，皮下及邊位帶點魚脂，有點魚油香味，好味喎。湯底酸度適中，唔會嗆喉; 小辣辣度都有D，但呢種辣係令人愈食愈想食，就算有少少鼻水流出都覺得過癮。鮮豆腐與酸菜魚湯係夾嘅，嫩滑之中加少少湯一啖放入口，平凡中加點刺激。紅薯粉配酸辣湯，呢個組合未食都知無得輸啦吓話?!冷盤小食要推介呢客京川汁秋葵 ($48)，味道酸甜好開胃，秋葵口感清爽。無意中發現呢客桂花鐵棍淮山 ($48)係解辣好幫手。淮山切成波浪型好似粗薯條，口感
店內樓底夠高，燈火柔和，裝修風格比人一種高雅感。
呢度嘅烤魚有3款唔同煮法，分別為招牌酸菜/麻辣/香辣豆花，魚類就有青江魚/江團魚選擇
第一次食就點咗客招牌酸菜烤魚，青江魚 ($348)，仲配埋其他配菜:
紅薯粉 ($18) 娃娃菜 ($18) 鮮豆腐 ($18) 腐竹 ($18)
全程用個爐慶住食，條青江魚都佔領咗一半位置，仲有其他配料如椰菜，木耳，大豆芽，金菇菜及酸菜。辣度任選，呢個辣椒份量係小辣。
魚先煎香再放入湯內，煎香咗嘅魚係我至愛，見到都心心眼
睇下幾咁厚肉，預先開邊再起咗條主骨，無細骨啖啖肉，岩晒懶人食魚。肉質幾嫩滑，皮下及邊位帶點魚脂，有點魚油香味，好味喎。
湯底酸度適中，唔會嗆喉; 小辣辣度都有D，但呢種辣係令人愈食愈想食，就算有少少鼻水流出都覺得過癮。
鮮豆腐與酸菜魚湯係夾嘅，嫩滑之中加少少湯一啖放入口，平凡中加點刺激。
紅薯粉配酸辣湯，呢個組合未食都知無得輸啦吓話?!
冷盤小食要推介呢客京川汁秋葵 ($48)，味道酸甜好開胃，秋葵口感清爽。
無意中發現呢客桂花鐵棍淮山 ($48)係解辣好幫手。淮山切成波浪型好似粗薯條，口感爽脆，食到桂花糖漿嘅清香微甜感，岩岩好，不多也不少。
串燒類亦都叫咗少少試下，單骨鷄翼串 ($24)，五花腩串 ($18)及雞肉串 ($18)。燒得夠乾身，唔係求其燒一燒就當係。灑上孜然粉作調味，最歡喜係單骨鷄翼串，燒至皮香肉仍嫩。
燒菠蘿串 ($20)，即使攤凍咗仍然都好味，甜中帶微酸，又多汁，連對菠蘿無咩興趣嘅友人都食咗2件。
若然用呢客黃金炸饅頭 ($58)為呢餐嘅甜品，實在邪惡啦。即叫即炸，外脆內鬆軟。
仲有煉奶任我點，縱使已經好飽但我都絶唔會放棄佢地嘅……………….哇哈哈。
今餐解辣仲有呢兩杯咁靚仔嘅百香果檸檬梳打($38)同青瓜柑桔梳打($38)，唔太甜又有梳打嘅氣感，份量足夠全餐飲，爽晒。
侍應招呼週到有禮，坐得舒適，今餐呢餐大滿足。
Post
