Outdark (H8)

Open Now

Now Closed

不知不覺Outdark已經成為我同先生嘅週末飯堂，放假嚟開尖沙咀都會心思思想食佢嘅炸雞，連同朋友食飯都會推介佢。除咗炸雞出色之外，飲品都係冇得彈，而且價錢唔貴，環境又舒服。今次我哋第一次叫飯捲，份量好足，材料除咗烤牛肉之外仲有蛋、醃蘿蔔、青瓜、紅蘿蔔絲同黑白芝麻，捲得好紮實，入口口感非常豐富，非常推薦！重頭戲當然係我哋心心念念嘅鮮嫩炸雞，配搭三款唔同嘅炸薯，全部即叫即炸，上枱時仲係熱辣辣香噴噴。我哋揀咗甜辣炸雞同香蒜蜜糖炸雞，各有千秋，依然係一貫嘅外脆內嫩，帶少少爆汁嘅效果，令人回味。另外加咗炸芝士棒，趁熱食有少少拉絲效果，香脆可口。Mojito Ade清爽解膩，絕對係配搭炸雞嘅不二之選。Blueberry yogurt加入新鮮藍莓，同樣清新解渴，亦係我哋每次必點。