金萊餐廳 (Closed)

成日經過銅鑼灣c出口，都會見到呢間餐廳，今次入去試下啦！餐廳用色比較特別，用咗舒服嘅粉橙色同蘋果綠色，俾人舒服嘅感覺。原來有2 層，地方幾闊落，仲有包箱房，私人空間好足。 🔎黑毛豬叉燒皇拼切雞$80 （可選配燒腩仔/香妃雞/油雞/燻蹄）黑毛豬叉燒係招牌菜之一。肉質比較結實，同平時食開嘅軟稔口感好唔同，唔係成日食開嘅半肥瘦叉燒，無咩肥肉。 蜜燒汁滲透哂喺叉燒。 水準更高嘅仲有切雞，非常嫩滑。定價比較進取，不過係計埋喺旺區同黑毛豬，燒味份量都幾多。🔎水煮魚片龍脷柳 $85 可以微辣，同樣辣得過癮，魚片無骨，索哂啲辣湯，有約六片，正常份量，仲有超多薯粉墊底。🔎雜果冰$8超多椰果同菠蘿，不過飲落偏甜。