麥當勞

Open Now

Now Closed

麥叔叔今年又玩新意思，推出左個「黃金脆薯牛堡」，我見幾得意，今日Tea時就買左個餐返黎試下~今年唔同既係個包夾多左塊薯餅，平日淨係早餐先有薯餅既麥當勞居然宜家Anytime都有得食!先講塊牛，好Juicy，厚厚地既牛肉，都唔欺場架，塊牛用黑椒汁醃過，一咬落去D汁就噴出黎，證明牛肉非常多汁，D肉亦好嫰，好易咬開，而且因為有黑椒汁辣辣地，口感幾開胃。至於薯餅，雖然唔係好脆(可能我食時已經放左一陣，凍左)，但正因為咁，薯餅林林地，同包夾得到，好融和，如果又硬又脆反而會覺得唔Match，好似包有包食，薯餅有薯餅食咁，今年呢個黃金脆薯牛堡內含薯餅呢個Idea的確唔錯!另有無薯餅版本可供選擇.