麻辣派對 (瑞生酒店) (Closed)

從不吃辣的我高估了自己早幾日同朋友食生日飯，朋友問我食唔食得辣，輕微的辣近來都很喜歡，特別香而不辣的湯麵更加喜歡。朋友邀請我一齊食辣。店內環境非常靚，每台都一大班人一齊食一大窩嘅辣粉。天氣涼涼地，食少少辣出身汗係幾過癮。我地2個女孩叫咗一窩酸菜魚，一個辣炒菜。酸菜魚魚非常滑溜，無骨，都好吸味，非常好食。湯底濃郁，咸酸齊備但有點偏油膩，唔敢飲太多。有大量嘅辣椒豆，辣椒粒，辣椒皮增加風味。都有好多極辣嘅綠色嘅辣椒，個樣似咸菜。窩內有少量魔芋，水晶粉，非常好食。但整餐飯，酸菜魚非常濃味，酸菜很咸。我每口都不時食到辣椒，辣豆。仲誤以為綠色辣椒係咸菜，一口咬咗落去，辣汁經過了喉嚨，開始覺得喉嚨痛，已經即時飲大量水，但喉嚨還是持續了幾天的在痛。炒菜椰菜炒得非常香口，有極少的辣很開胃，非常可口。如果係下次食依個菜依個魚，我會考慮用熱水洗洗先食。因為真係非常油膩，比起屋企嘅住家飯，有少少油膩到我身體未適應。菜的油水比較多，食落口都有點膩。椒片極多，推埋一邊的微辣紅辣片可以裝到一個茶碗。餐具到濕紙巾都好精緻。總結，明知自己食唔到辣，下次都係唔好咁輕率去挑戰自己。有需要就叫碗熱水沖一沖啲油份及辣味。炒菜鑊